തിരുവനന്തപുരം: സംസ്ഥാനത്ത് വ്യാഴാഴ്ച ആറ് പേര്ക്ക് കൂടി ഷിഗെല്ല രോഗബാധ സ്ഥിരീകരിച്ചു. കോഴിക്കോട് നാലും പാലക്കാട്, പത്തനംതിട്ട ജില്ലകളില് ഓരോ കേസുകളും ആണ് സ്ഥിരീകരിച്ചത്. കേരളത്തില് ജൂണ് മാസം മുതല് 216 പേര്ക്ക് രോഗബാധയും 6 മരണവും റിപ്പോര്ട്ട് ചെയ്തിട്ടുണ്ട്. ഈ വര്ഷം ഇതുവരെ 294 പേര്ക്ക് ഷിഗെല്ല രോഗബാധ സ്ഥിരീകരിച്ചിട്ടുണ്ട്.
കോഴിക്കോട്, മലപ്പുറം, വയനാട് ജില്ലകളിലാണ് ജൂണ് മാസം മുതല് ഏറ്റവും കൂടുതല് പേര്ക്ക് രോഗം സ്ഥിരീകരിച്ചത്.മലപ്പുറം (36), തിരുവനന്തപുരം (19), കണ്ണൂര് (13), കൊല്ലം (15), ഇടുക്കി (3), എറണാകുളം (4), പാലക്കാട് (6) പത്തനംതിട്ട (1) എന്നിവിടിങ്ങളിലും ജൂണ്, ജൂലൈ മാസങ്ങളില് ഷിഗെല്ല രോഗബാധ സ്ഥിരീകരിച്ചു.
