പാപ്പിനിശ്ശേരി: പാപ്പിനിശ്ശേരിയില് ബിജെപി പ്രവര്ത്തകന്റെ ബൈക്ക് കത്തിച്ചു. ബിജെപി അഴീക്കോട് മണ്ഡലം കമ്മിറ്റിയംഗമായ പാപ്പിനിശ്ശേരി പുതിയകാവിന് സമീപം വലിയവീട്ടില് വി.വി.അശോകന്റെ ബജാജ് ഡിസ്ക്കവര് ബൈക്കാണ് ഇന്നലെ പുലര്ച്ചെ 1.30 ഓടെ ഒരു സംഘം സിപിഎമ്മുകാര് തീവെച്ച് നശിപ്പിച്ചത്. മുമ്പ് രണ്ട് തവണ അശോകന് നേരെ സിപിഎമ്മുകാര് അക്രമം നടത്തിയിരുന്നു. കഴിഞ്ഞ പഞ്ചായത്ത് തെരഞ്ഞെടുപ്പില് പാപ്പിനിശ്ശേരി പഞ്ചായത്തിലെ 20-ാം വാര്ഡില് ബിജെപി സ്ഥാനാര്ത്ഥിയായി മത്സരിച്ച അശോകന് രണ്ടാം സ്ഥാനത്തെത്തിയിരുന്നു. ബൈക്ക് കത്തിച്ച സംഭവത്തില് വളപട്ടണം പോലീസില് പരാതി നല്കി. പോലീസ് കേസെടുത്ത് അന്വേഷണം ആരംഭിച്ചു.
സമാധാനം നിലനില്ക്കുന്ന മേഖലയില് അക്രമം നടത്താനുളള സിപിഎം നേതൃത്വത്തിന്റെ നീക്കത്തില് ബിജെപി അഴീക്കോട് മണ്ഡലം കമ്മിറ്റി ശക്തമായി പ്രതിഷേധിച്ചു. സിപിഎമ്മിന്റെ അക്രമത്തിനെതിരെ ജനാധിപത്യ വിശ്വാസികള് പ്രതിഷേധിക്കണമെന്നും കമ്മറ്റി ആവശ്യപ്പെട്ടു.
