പാലാ: ഓടയിലേക്ക് മാലിന്യങ്ങള് തള്ളുന്നതായി പരാതി. പാലാ റിവര്വ്യൂ റോഡില് ടൗണ്സ്റ്റാന്ഡിന് സമീപമുള്ള ഓടയിലേക്കാണ് പച്ചക്കറി മാലിന്യങ്ങളും തട്ടുകടകളില് നിന്നുള്ള മാലിന്യങ്ങളും തള്ളുന്നത്. ഇതോടെ ഓടകള് അടയുകയും മഴപെയ്താല് സമീപമുള്ള പ്രദേശങ്ങളില് വെള്ളം കെട്ടിനില്ക്കുന്ന അവസ്ഥയുമാണ്. ബസ് സ്റ്റാന്ഡ്, യൂണിവേഴ്സല് തിയേറ്റര്, ന്യൂബസാര് തുടങ്ങിയ സ്ഥലങ്ങളില് നിന്നെത്തുന്ന മഴവെള്ളം ഈ ഓടവഴിയാണ് തോട്ടിലേക്ക് പതിക്കുന്നത്. എന്നാല് ഓട അടഞ്ഞതോടെ തിയേറ്റര് പരിസരത്തും സമീപത്തെ പുരയിടങ്ങളിലും വെള്ളം നിറഞ്ഞുകയറുന്ന അവസ്ഥയാണ്. മണിക്കൂറുകളോളം കെട്ടിക്കിടക്കുന്ന വെള്ളത്തില് മാലിന്യങ്ങളും നഗരത്തിലെ ചെളിയും ഒഴുകിനടക്കുന്നുണ്ട്. കെട്ടിക്കിടക്കുന്ന വെള്ളത്തില് കൊതുകുകളും കൂത്താടികളും പെരുകുന്നതായും പറയുന്നു. അധികൃതര് ശ്രദ്ധിക്കണമെന്ന് വ്യാപാരികള് ആവശ്യപ്പെട്ടു.
മാലിന്യം ഓടയിലേക്ക് തള്ളുന്നതായി പരാതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.