കൊച്ചി: പ്രമുഖ ആഡംബര ഹോട്ടല് ശൃംഖലയായ ഹയാത്ത് പ്ലേസിന്റെ ദക്ഷിണേന്ത്യയിലെ ആദ്യ ഹോട്ടല് – ഹയാത് പ്ലേസ് രാമേശ്വരത്ത് പ്രവര്ത്തനം ആരംഭിച്ചു. ഹയാത് പ്ലേസിന്റെ ഇന്ത്യയിലെ തന്നെ അഞ്ചാമത്തെ ഹോട്ടല് വികസിപ്പിച്ചിരിക്കുന്നത് ജെകെആര് എന്റര്പ്രൈസാണ്. രാമേശ്വരത്തെത്തുന്ന തീര്ഥാടകരെയും ടൂറിസ്റ്റുകളെയും ലക്ഷ്യമിട്ട് തുടങ്ങിയ ഹോട്ടലില് അതിഥികള്ക്കായി അതിനൂതനവും ആഡംബരപൂര്ണവുമായ സൗകര്യങ്ങളാണ് ഒരുക്കിയിരിക്കുന്നത്.
രാമനാഥസ്വാമി ക്ഷേത്രത്തിന്റെയും അഗ്നിതീര്ഥത്തിന്റെയം സമീപമായി രാമേശ്വരത്തിന്റെ ഹൃദയഭാഗത്ത് സ്ഥിതി ചെയ്യുന്ന ഹയാത് പ്ലേസ് രാമേശ്വരത്തില് സ്യൂട്ടുകളുള്പ്പെടെ 101 മുറികളാണുള്ളത്. മുന് രാഷ്ട്രപതി എപിജെ അബ്ദുള് കലാമിന്റെ വീട് ഇതിനടുത്താണ്.
ഹയാത് പ്ലേസ് രാമേശ്വരം യാഥാര്ഥ്യമാക്കാന് കഴിഞ്ഞത് ഈ ഹോട്ടല് ശൃംഖലയുടെ വളര്ച്ചയിലെ പ്രധാന നാഴികക്കല്ലാണെന്ന് ഹയാത്തിന്റെ ഇന്ത്യയിലെ ഓപ്പറേഷന്സ് വൈസ് പ്രസിഡന്റ് കുര്ത് സ്ട്രോബ് പറഞ്ഞു.
പുണ്യ നഗരം സന്ദര്ശിക്കാനെത്തുന്നവര്ക്ക് ഹയാത് പ്ലേസ് രാമേശ്വരം ഏറ്റവും മികച്ച അനുഭവം പ്രദാനം ചെയ്യും. ഹോട്ടലിലെത്തുന്ന അതിഥികള് ഇവിടത്തെ സൗകര്യങ്ങളും സേവനങ്ങളും ഹൃദയത്തിലേറ്റുമെന്ന് കരുതുന്നതായി ജനറല് മാനേജര് ഉത്സ മജുംദാര് പറഞ്ഞു. കൂടുതല് വിവരങ്ങള്ക്ക് സന്ദര്ശിക്കുക: rameswaram.place.hyatt.com
