ചെറുതോണി: കൊലുമ്പന് സമാധിയുടെ നിര്മ്മാണ പ്രവര്ത്തനങ്ങള് ഇഴയുന്നു. സിവില് വര്ക്കുകള് ഏതാണ്ട് പൂര്ത്തിയായെങ്കിലും ആര്ക്കിടെക്ട് വര്ക്കുകള് ഇനിയും ആരംഭിക്കാനായില്ല. 70 ലക്ഷം രൂപയുടെ പദ്ധതികളാണ് ഇപ്പോള് ആരംഭിച്ചിട്ടുള്ളത്. ഇടുക്കി പദ്ധതിയുടെ വഴികാട്ടിയായ കരിവെള്ളയാന് കൊലുമ്പന്റെ പേരിലുള്ള സ്മാരകം സമയ ബന്ധിതമായി പൂര്ത്തിയാക്കുമെന്ന ഇടുക്കി എംഎല്എയുടെ പ്രഖ്യാപനം പാഴ്വാക്കായി.
അണക്കെട്ട് സന്ദര്ശിക്കുവാന് അവധി ദിവസങ്ങളില് ആയിരക്കണക്കിന് വിനോദ സഞ്ചാരികളാണ് ഇവിടേക്ക് എത്തിക്കൊണ്ടിരിക്കുന്നത്. എന്നാല് പദ്ധതിയുടെ വഴികാട്ടിയായ കൊലുമ്പനെ സംബന്ധിച്ച് അറിയാന് യാതൊരു മാര്ഗങ്ങളുമില്ല. ചെറുതോണി അണക്കെട്ടിന് സമീപം നിര്മ്മിച്ചിരിക്കുന്ന കൊലുമ്പന്റെ പ്രതിമ പാഴിയും പായലും പിടിച്ച് നശിച്ച അവസ്ഥയിലാണ്.
