തൊടുപുഴ: നഗരമധ്യത്തില് വാഹനത്തില് തട്ടിയെന്ന് ആരോപിച്ച് കെയുആര്ടിസിയുടെ ലോ ഫ്ളോര്ബസ് തടഞ്ഞ് ജീവനക്കാരെ കൈയേറ്റം ചെയ്യാന് കോണ്ഗ്രസ് നേതാക്കളുടെ നേതൃത്വത്തില് ശ്രമം. ഇന്നലെ വൈകിട്ട് 4.45 ഓടെയാണ് സംഭവം. പ്രൈവറ്റ് ബസ് സ്റ്റാന്റില് നിന്നും യാത്രക്കാരെയും കയറ്റി എറണാകുളത്തേക്ക് സര്വീസ് പോവുകയായിരുന്ന ലോ ഫ്ളോര്ബസ്.
മണക്കാട് പഴയ റോഡിന് സമീപം എത്തിയപ്പോള് തൊടുപുഴ-മുവാറ്റുപുഴ റൂട്ടില് സര്വീസ് നടത്തുന്ന ‘സിയറ’ എന്ന സ്വകാര്യബസില് തട്ടിയതായി പറയുന്നു. ബസിന്റെ ഇടതുഭാഗത്തെ കണ്ണാടിയിലാണ് തട്ടിയത്. ഇതേച്ചൊല്ലി ചിലര് ലോ ഫ്ളോര് ബസിനുള്ളില് കയറി ജീവനക്കാരുമായി വാക്കേറ്റമായി. ബസിന്റെ വാതില് ഡ്രൈവര് അടച്ച് വാഹനം മുന്നോട്ടെടുത്തു. വാതില് അടച്ചപ്പോള് ഇക്കൂട്ടത്തിലുണ്ടായിരുന്ന ഒരാളുടെ കൈ അതിനിടയില് കുടുങ്ങി. ഗാന്ധിസ്ക്വയറില് ബസ് എത്തിയപ്പോഴേയ്ക്കും കൂടുതല് പേരെത്തി ബസ് തടഞ്ഞ് ജീവനക്കാരെ കൈയേറ്റം ചെയ്യാന് ശ്രമിച്ചു.
ഇതിനിടെ സ്ഥലത്തെത്തിയ കോണ്ഗ്രസ് നേതാവ് ജാഫര്ഖാന് മുഹമ്മദ്, കെഎസ്യു നേതാവ് നിയാസ് കൂരാപ്പിള്ളി എന്നിവരുടെ നേതൃത്വത്തില് ബസിനുള്ളില് അതിക്രമിച്ചു കയറി ജീവനക്കാരെ കൈയേറ്റം ചെയ്യാന് ശ്രമിച്ചു. ഇവരില് നിന്നും രക്ഷപെടാന് ജീവനക്കാര് ബസിന്റെ വാതിലുകള് ലോക്ക് ചെയ്തു. ആക്രോശം തുടരുന്നതിനിടെ എസ്ഐയുടെ നേതൃത്വത്തില് പോലീസെത്തി എല്ലാവരെയും നീക്കം ചെയ്ത ശേഷം ബസ് പോലീസ് സ്റ്റേഷനിലേക്ക് മാറ്റി. ബസിന്റെ സര്വീസും മുടങ്ങി. കൈയേറ്റം ചെയ്തെന്ന് ആരോപിച്ച് ബസ് ജീവനക്കാര് തൊടുപുഴയിലെ ജില്ലാ ആശുപത്രിയില് ചികിത്സ തേടി. സംഭവം സംബന്ധിച്ച് പരാതിയും നല്കി.
