കുമളി : ചക്കുപള്ളം ഗ്രാമപഞ്ചായത്തില് ഭരണ സ്തംഭനം. ജില്ലയില് വാര്ഷിക പദ്ധതി വിഹിത വിനിയോഗത്തില് ഏറ്റവും പിന്നില് നില്ക്കുന്ന പഞ്ചായത്താണ് ചക്കുപള്ളം.
ഇടതു പക്ഷം നേതൃത്വം നല്കുന്ന ഭരണ സമിതിയാണ് ചക്കുപള്ളത്ത് ഭരിക്കുന്നത്. കഴിഞ്ഞ സാമ്പത്തിക വര്ഷത്തില് പദ്ധതി വിഹിതത്തിന്റെ 58 ശതമാനം മാത്രമാണ് വിവിധ വാര്ഡുകളില് ചിലവഴിച്ചത്.
ഭരണ സമിതിയുമായുള്ള അഭിപ്രായ ഭിന്നതയെത്തുടര്ന്ന് സെക്രട്ടറി അവധിയിലാണ്. ഇക്കാരണത്താല് പൊതുജനങ്ങള്ക്ക് പഞ്ചായത്തുമായി ബന്ധപ്പെട്ട് ഒരു കാര്യങ്ങളും നടപ്പിലാക്കുവാന് കഴിയാത്ത സാഹചര്യമാണ്. ഭരണ സമിതിയുമായി യോജിക്കാന് കഴിയ്യാത്തതിനാല് കൂടുതല് ജീവനക്കാര് സ്ഥലം മാറ്റത്തിന് ശ്രമിക്കുകയാണ്. കഴിഞ്ഞ ദിവസം പ്രസിഡന്റിന്റെ നേതൃത്വത്തില് ചട്ടം മറികടന്ന് ഭരണസമിതി യോഗം ചേരാന് ശ്രമിച്ചത് പ്രതിപക്ഷം ഇടപെട്ട് തടഞ്ഞിരുന്നു. മാലിന്യ സംസ്കരണം, ടൂറിസം തുടങ്ങി പൊതു ജനങ്ങള്ക്ക് ഗുണകരമാകേണ്ട യാതൊരു നടപടികളും ചക്കുപള്ളത്ത് നടപ്പിലാകുന്നില്ല.
പ്രതിപക്ഷം സമരത്തിനൊരുങ്ങുകയാണ്.
