പേരാമ്പ്ര: കെട്ടിടത്തിന് നമ്പരിട്ട് നല്കാന് ട്രൈബ്യൂണല് വിധിച്ചിട്ടും അനുകൂല നടപടി ഉണ്ടാകാത്തതില് പ്രതിഷേധിച്ച് ആത്മഹത്യ ഭീഷണിയുമായി കെട്ടിട ഉടമ.
നടുവണ്ണൂര് പഞ്ചായത്തിലെ കരുവണ്ണൂരില് ചട്ടങ്ങളും നിയമങ്ങളും പാലിച്ച് നിര്മ്മിച്ച കെട്ടിടത്തിന് നമ്പറിട്ട് കിട്ടാന് പഞ്ചായത്ത് ഓഫീസില് നല്കിയ അപേക്ഷ നിരസിച്ചുവെന്നാണ് പരാതി. കെട്ടിട ഉടമ കഴുക്കോട്ട് മോഹനന് ഹൈക്കോടതിയേയും തദ്ദേശസ്വയംഭരണ വകുപ്പിനായുള്ള ട്രൈബ്യുണലിനെയും സമീപിച്ച് അനുകുല വിധി നല്കിയിട്ടും നടപടി ഉണ്ടായില്ല.
ഒമ്പത് വര്ഷമായി കെട്ടിടത്തിന്റെ നമ്പറിട്ട് കിട്ടാന് മോഹനന് പഞ്ചായത്തും കോടതിയും കയറിയിറങ്ങുകയാണ്. അവസാനം ജൂണ് 27ന് കോഴിക്കോട് കലക്ടര് ഗ്രാമപഞ്ചായത്ത് സെക്രട്ടറിക്ക് മുന്നു ദിവസം കൊണ്ട് നടപടി സ്വീകരിച്ച് മറുപടി കലക്ടറെ അറിയിക്കണമെന്ന നിര്ദ്ദേശവും നല്കി.
കലക്ടറുടെ നിര്ദ്ദേശം തള്ളുകയും തന്റെ കെട്ടിടത്തിന് നമ്പര് നല്കാതിരിക്കുകയും ചെയ്ത സാഹചര്യത്തില് എട്ട് ദിവസത്തിനകം പഞ്ചായത്ത് ഓഫീസിനു മുന്നില് ആത്മഹത്യ ചെയ്യുമെന്ന്കാണിച്ച് ജില്ലാ കലക്ടര്ക്കും തദ്ദേശസ്വയംഭരണ വകുപ്പു മന്ത്രിക്കും മോഹനന് കത്ത് നല്കി.
നടുവണ്ണൂര് പഞ്ചായത്ത് സെക്രട്ടറി ഷിജുവും ക്ലര്ക്ക് മുസ്തഫയുമാണ് കാരണക്കാരെന്ന് ആത്മഹത്യാ കുറിപ്പില് സൂചിപ്പിച്ചിട്ടുണ്ട്.
