കൊല്ലങ്കോട് : പുതുനഗരം കൊല്ലങ്കോട് പാതയില് വിരിഞ്ഞിപ്പാടത്ത് നിയന്ത്രണം വിട്ട ചരക്ക് ലോറി ഇലക്ട്രിക് പോസ്റ്റിടിച്ചു തകര്ത്തു.
ഇന്നലെ ഉച്ചക്ക് ഒന്നരയോടെ മീങ്കരയില് നിന്നും കൊപ്ര കയറ്റി കഞ്ചിക്കോട് കമ്പനിയിലേക്ക് പോകുന്ന വഴിയാണ് പുതുനഗരം വിരിഞ്ഞിപ്പാടത്ത് വെച്ച് എതിരെ വന്ന ബസിനെ മറികടന്ന് ലോറിക്ക് നേരെ വന്ന കാറിനെ ഇടിക്കാതിരിക്കാന് ലോറി ഡ്രൈവര് ചരിച്ചെടുത്തതിനെ തുടര്ന്ന് ഇലക്ട്രിക് പോസ്റ്റിലിടിച്ച് പാടത്തേക്ക് ചരിയുകയായിരുന്നു.
ഇലക്ട്രിക്ക്കമ്പികള് പൊട്ടി റോഡിലേക്ക് വീണെങ്കിലും അപകടസമയത്ത് വാഹനങ്ങള് ഇതുവഴി കടന്നു പോകാത്തതിനാല് കൂടുതല് അപകടം ഒഴിവായി. ലോറി ഡ്രൈവര് പാപ്പാന്ചള്ള സ്വദേശി സതീഷിന്റെ ആത്മനിയന്ത്രണം കാരണം കാറിലെ യാത്രക്കാര് രക്ഷപ്പെട്ടു.
കൊല്ലങ്കോട് പുതുനഗരം പാതയില് വടവന്നൂര് മുതല് പൂന്തോണിവരെയും അടിച്ചിറ മുതല് പുതുനഗരം സ്ക്കൂള് വരെയുള്ള പ്രദേശത്ത് റോഡിന്റെ വളവും വാഹനങ്ങളുടെ അമിതവേഗതയും നിരവധി വാഹനങ്ങളാണ് അപകടത്തിനിരയായിട്ടുള്ളത്.
