അടിമാലി: കത്തിനശിച്ച എല്ഐസി ഓഫീസ് നന്നാക്കാനുള്ള നടപടി അനന്തമായി നീളുന്നതില് പ്രതിഷേധം ശക്തമാകുന്നു. കഴിഞ്ഞ മാര്ച്ച് 31ന് ഉച്ചയോടെയാണ് പിരിച്ചുവിട്ട താല്ക്കാലിക ജീവനക്കാരന് ഓഫീസിലെത്തി പെട്രൊളൊഴിച്ച് തീകൊളുത്തിയത്.
സംഭവത്തില് അസി.മാനേജര്ക്കടക്കം പൊള്ളലേല്ക്കുകയും, 25 ഓളം കമ്പ്യൂട്ടറുകളും, ഓഫീസ് ഉപകരണങ്ങളും ഫയലുകളുമടക്കം ഓഫീസ് പൂര്ണമായി കത്തി നശിച്ചിരുന്നു. സംഭവം നടന്നിട്ട് മൂന്ന് മാസം പിന്നിടുമ്പോഴും നന്നാക്കാന് അധികൃതര് നടപടിയെടുക്കാത്തതുമൂലം ജീവനക്കാരും ഉപഭോക്താക്കളും, ഏജന്റുമാരും ദുരിതത്തിലാണ്. പാര്ക്കിങ് ഏരിയയില് താത്കാലിക സംവിധാനമൊരുക്കിയാണ് പ്രവര്ത്തനം മുന്നോട്ടു കൊണ്ടു പോകുന്നത്. അസൗകര്യം മൂലം ഓഫീസിലെത്തുന്നവരെല്ലാം ഏറെ ബുദ്ധിമുട്ടാണ് അനുഭവിക്കുന്നത്. നിരവധി ആവശ്യങ്ങള്ക്കായി എത്തുന്ന ഉപഭോക്താക്കളാണ് ഏറെ കഷ്ടത്തിലാവുന്നത്. അസൗകര്യങ്ങള് മൂലം യഥാസമയം കാര്യങ്ങള് നടത്തുവാന് ജീവനക്കാരും ബുദ്ധിമുട്ടുന്നു.
