കാസര്കോട്: മഞ്ചേശ്വരം മണ്ടേക്കാപ്പിലെ വ്യാപാരിയായ രാമകൃഷ്ണനെ പട്ടാപ്പകല് കടയില് കയറി അതിദാരുണമായി വെട്ടിക്കൊലപ്പെടുത്തിയ കേസിലെ ഗൂഢാലോചന പുറത്തുകൊണ്ടുവരണമെന്നും പ്രത്യേക അന്വേഷണ ഏജന്സിയെ കൊണ്ടു അന്വേഷിപ്പിക്കണമെന്നും ഹിന്ദുഐക്വേദി ജില്ലാ കമ്മറ്റി ആവശ്യപ്പെട്ടു.
ഹൈന്ദവ സമാജ പ്രവര്ത്തകരേയും നേതാക്കന്മാരേയും അക്രമിക്കാനും കൊലപ്പെടുത്താനും ശ്രമം നടക്കുന്നത് ജില്ലയില് വര്ദ്ധിച്ചുവരുന്ന തീവ്രവാദ പ്രവര്ത്തനത്തിന്റെ ഭാഗമാണ്. കഴിഞ്ഞ ദിവസം റോഡിലൂടെ ബൈക്ക് ഓടിച്ചുപോയ യുവാവിനെ വാഹനമിടിച്ച് കൊലപ്പെടുത്താന് ശ്രമിച്ചതും, യുവാക്കളെ അക്രമിച്ചതും ഇതിന്റെ ഭാഗമാണ്.
ജില്ലയില് മുസ്ലിം ശക്തിപ്പെടുത്തിക്കൊണ്ട് ഇടതുപക്ഷ തീവ്രവാദവും അതിന്റെ മറപിടിച്ച് ജില്ലയില് അക്രമത്തിന് കോപ്പുക്കൂട്ടുകയാണ്. ജില്ലയില് ഹൈന്ദവ സമാജത്തിനു നേരെ അക്രമ സംഭവങ്ങളും കൊലപാതകങ്ങളും നടക്കുമ്പോള് മൗനം പാലിക്കുന്ന സര്ക്കാര് അക്രമികള്ക്ക് കുടപിടിക്കുകയാണ്. ഈ സാഹചര്യത്തില് ജില്ലയിലെ കേസുകള് പ്രത്യേക അന്വേഷണ സംഘത്തെ നിയോഗിച്ച് കേസുകള് കൈമാറണമെന്നും, മുസ്ലിംലീഗിന്റെയും നേതാക്കളുടേയും പങ്ക് അന്വേഷിക്കണമെന്നും ഹിന്ദു ഐക്യവേദി ആവശ്യപ്പെട്ടു.
യോഗത്തില് ജില്ലാ പ്രസിഡന്റ് കെ.കരുണാകരന് മാസ്റ്റര് അധ്യക്ഷത വഹിച്ചു. സംസ്ഥാന സെക്രട്ടറി പി.വി.മുരളീധരന്, ജില്ലാ ട്രഷറര് ഗോവിന്ദന് മാസ്റ്റര്, വര്ക്കിങ്ങ് പ്രസിഡന്റ് വാമനാചാര്യ, ജില്ലാ ജനറല് സെക്രട്ടറി ടി.ഷിബിന് തൃക്കരിപ്പൂര്, രാജന് മുളിയാര് എന്നിവര് സംസാരിച്ചു.
