കോഴിക്കോട്: ജില്ലയില്‍ നാളെ വരെ കനത്ത മഴയ്‌ക്കും ചിലയിടങ്ങളില്‍ അതിശക്തമായ മഴയ്‌ക്കും സാധ്യതയുളളതിനാല്‍ ജനങ്ങള്‍ ജാഗ്രത പാലിക്കേണ്ടതാണെന്ന് ജില്ലാ കലക്ടര്‍ അറിയിച്ചു. മഴവെളളപ്പാച്ചിലുണ്ടാവാന്‍ സാധ്യതയുളളതിനാല്‍ പുഴയില്‍ ഇറങ്ങുന്നത് അപകട സാധ്യതയുണ്ടാക്കും.
മലയോര മേഖലകളില്‍ റോഡുകള്‍ക്ക് കുറകെയുളള ചെറിയ ചാലുകളിലൂടെ മലവെളളപ്പാച്ചിലും, ഉരുള്‍പൊട്ടലും ഉണ്ടാവാന്‍ സാധ്യതയുളളതിനാല്‍ രാത്രികാല യാത്രകളില്‍ ജാഗ്രത പുലര്‍ത്തേണ്ടതാണ്. മരങ്ങള്‍ക്ക് ചുവട്ടില്‍ വാഹനങ്ങല്‍ പാര്‍ക്ക് ചെയ്യുന്നത് ഒഴിവാക്കേണ്ടതാണ്. ബീച്ചുകളില്‍ വിനോദ സഞ്ചാരികള്‍ കടലില്‍ ഇറങ്ങാതിരിക്കാന്‍ ശ്രദ്ധിക്കണം.
ദുരന്തനിവാരണ പ്രവര്‍ത്തനങ്ങള്‍ ഏകോപിപ്പിക്കുന്നതിന് 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം ആരംഭിച്ചിട്ടുണ്ട്. ഫോണ്‍ നമ്പര്‍ ജില്ലാ അടിയന്തിര ഘട്ടകാര്യ നിര്‍വഹണകേന്ദ്രം : 0495-2371002, ടോള്‍ ഫ്രീ നമ്പര്‍ : 1077, കോഴിക്കോട് താലൂക്ക് – 0495-2372966, കൊയിലാണ്ടി താലൂക്ക് : 0496-2620235, വടകര : 0496-2522361, താമരശ്ശേരി : 0495 2223088.
