വലപ്പാട്: പ്രായപൂര്ത്തിയാവാത്ത പെണ്കുട്ടിയെ പീഡിപ്പിച്ച സംഭവത്തില് മൂന്ന് പേര് കൂടി അറസ്റ്റിലായി. വലപ്പാട് ബീച്ച് സ്വദേശികളായ ചാഴു വീട്ടില് ബാബു(45), തറയില് വീട്ടില് ദാസന്(58), ദാസന്റെ മരുമകന് കുറ്റുമുക്ക് ഇളമുറ്റത്ത് സതീഷ്(30) എന്നിവരാണ് അറസ്റ്റിലായത്. കേസില് ഒരാള് നേരത്തേ പിടിയിലായിരുന്നു.
പത്താം ക്ലാസ് വിദ്യാര്ഥിയായ പെണ്കുട്ടിയെ സ്വന്തം വീടുകളില് വെച്ചും തറവാട്ട് വീട്ടില് വെച്ചുമാണ് പ്രതികള് പീഡിപ്പിച്ചതെന്ന് പോലിസ് പറഞ്ഞു.
കുട്ടിയുടെ പെരുമാറ്റത്തില് അസ്വാഭാവികത തോന്നിയ കൂട്ടുകാരി അധ്യാപികയോട് പറഞ്ഞപ്പോഴാണ് സംഭവം പുറത്തറിയുന്നത്. അധ്യാപിക അറിയിച്ചതനുസരിച്ച് പ്രധാനാധ്യാപിക ചൈല്ഡ് ലൈന് പ്രവര്ത്തരെ അറിയിച്ചു. ഇവര് പോലിസിലും.
വീട്ടുകാരും ഇതിനിടെ പരാതിയുമായെത്തി. തുടര്ന്ന് വലപ്പാട് സി.ഐ സി.ആര്. സന്തോഷിന്റെ നേതൃത്വത്തില് നടത്തിയ അന്വേഷണത്തിലാണ് പ്രതികള് പിടിയിലായത്. സീനിയര് സി.പി.ഒമാരായ ജലീല് മാരാത്ത്, പി.കെ. റഫീഖ്, പ്രത്യേക സ്കാഡ് അംഗങ്ങളായ ടി.ആര്. ഷൈന്, കെ. രാജേഷ്, പി.ഡി. ദിബീഷ് എന്നിവരടങ്ങുന്ന സംഘമാണ് പ്രതികളെ പിടകൂടിയത്.
