കൊച്ചി: നിരന്തരമായ യോഗാഭ്യാസം മനസ്സിലെ സംഘര്ഷത്തെ ലഘൂകരിക്കുകയും ശരീരത്തെ നിര്മ്മലമാക്കുകയും ചെയ്യുമെന്ന് അമൃത മെഡിക്കല് ഇന്സ്റ്റിറ്റിയൂട്ട് ഓഫ് സയന്സ് ഡയറക്ടര് ഡോ. ജഗ്ഗുസ്വാമി. വിവിധ സംഘടനകകളുടെ ആഭിമുഖ്യത്തില് റീജിയണല് സ്പോര്ട്സ് സെന്ററില് നടന്ന മൂന്നാമത് അന്തരാഷ്ട്ര യോഗദിന പരിപാടി ഉദ്ഘാടനം ചെയുകയായിരുന്നു അദ്ദേഹം.
കേന്ദ്ര സര്ക്കാര് പരിപാടിയായി തുടങ്ങിയ യോഗദിനാചരണം ജനങ്ങള് ഏറ്റെടുത്തു കഴിഞ്ഞതായി യോഗത്തില് അധ്യക്ഷത വഹിച്ച എ.എന്. രാധാകൃഷ്ണന് പറഞ്ഞു. ഫെഡറല്ബാങ്ക് സീനിയര് വൈസ് പ്രസിഡന്റ് സണ്ണി.എന്.വി, പതഞ്ജലി യോഗ കേന്ദ്രം അധ്യക്ഷന് കൈതപ്രം വാസുദേവന് നമ്പൂതിരി, ആര്ട് ഓഫ് ലിവിങ്ങ് പ്രസിഡന്റ് പ്രൊഫ.ഉഷാരാജശേഖര്, റീജിയണല് സ്പോര്ട്സ് സെന്റര് സെക്രട്ടറി മനോഹരപ്രഭു, പി.എം. വേലായുധന്, എം. മോഹന്, ഡോ എന്.സി. ഇന്ദുചൂഡന്, എസ്. മനോജ് തുടങ്ങിയവര് ആശംസകള് നേര്ന്നു. പ്രശസ്ത പിന്നണി ഗായിക അമൃതസുരേഷ് പ്രാര്ത്ഥനാ ഗീതം ആലപിച്ചു. പി. ശിവശങ്കരന് സ്വാഗതവും അമല്നായര് നന്ദിയും പറഞ്ഞു.
ഉപേന്ദ്ര യോഗ
വിദ്യാപഠനകേന്ദ്രം
വൈപ്പിന്: ഉപേന്ദ്ര യോഗവിദ്യാപഠനകേന്ദ്രം ചെറായിയുടെ ആഭിമുഖ്യത്തില് ലോകയോഗദിനം സമുചിതമായി ആചരിച്ചു. പ്രഥമിക യോഗപഠനം പൂര്ത്തീകരിച്ച വനിതകളുടെ യോഗാഭ്യാസ പ്രദര്ശനത്തിനും, യോഗപരിശീലനത്തിനും ശേഷം നടന്ന ചടങ്ങില് യോഗാചാര്യ ഉപേന്ദ്രനാചാരി, സീരി മാസ്റ്റര്, സദാശിവന്, ലത ടീച്ചര്, ടി.എസ്.അഭിലാഷ്, സി.പി.ബാബു എന്നിവര് സംസാരിച്ചു.
യുസി കോളജില്
ആലുവ: യുസികോളേജില് നടന്ന യോഗദിനാചരണം പ്രിന്സിപ്പാല് ഡോ.പി. തോമസ് മാത്യു ഉദ്ഘാടനം ചെയ്തു. കായിക വിഭാഗം മേധാവി ഡോ.അനില് തോമസ് കോശി അദ്ധ്യക്ഷത വഹിച്ചു.
ക്യാപ്റ്റന് കെ.എസ്. നാരായണന് യോഗാദിന സന്ദേശം നല് കി. സുബേദാര് മേജര് യാദവ്, ഡോ.എം. ബിന്ദു, ഡോ. കുര്യന് സോമന്, ലഫ്. ഡോ.ഗീതിക, ഡോ.ഡീനോ എന്നിവര് സംസാരിച്ചു.
യോഗചാര്യ മജ്ഞു നാഥ് യോഗ ക്ലാസ്സ് നയിച്ചു. യുസി കോളേജ് കായിക വിഭാഗം ഏലൂര് 22 (കെ) ബിഎന് ബാറ്റലിയന് എന്എസിസി, യുസി കോളേജ് എന്എസ്എസ് യൂണിറ്റ്, എന്സിസി എന്നിവയുടെ സഹകരണത്തോടെയാണ് യോഗദിനാചരണം നടത്തിയത്.
വിദ്യാധിരാജ
വിദ്യാഭവന്
ആലുവ: വിദ്യാധിരാജ വിദ്യാഭവനിലെ 1,800ഓളം കുട്ടികള് 3 ബാച്ചുകളിലായി യോഗദിനാചരണത്തില് പങ്കെടുത്തു. യോഗാചാര്യര് രാജശ്രീ ആര്. മേനോന്, മോഹനകുമാര്.പി. എന്നിവര് സംസാരിച്ചു. സംസ്ഥാന വിദ്യാഭ്യാസ വകുപ്പു സംഘടിപ്പിച്ച പ്രഥമ യോഗ ഒളിമ്പ്യാഡില് വിജയികളായ വിദ്യാര്ത്ഥികള്ക്ക് പുരസ്കാരങ്ങള് വിതരണം ചെയ്തു.
അമൃതാനന്ദമയി മഠം
കൊച്ചി: ആദ്യഘട്ടത്തില് ഹിന്ദുത്വ അജണ്ട എന്നുപറഞ്ഞു യോഗയെ തിരസ്കരിച്ചവര് അത് സ്വീകരിച്ചു തുടങ്ങിയത് നല്ല ലക്ഷണമാണെന്ന് സംവിധായകന് മേജര് രവി. അന്തരാഷ്ട്ര യോഗാദിനതോടനുബന്ധിച്ചു അമൃതാനന്ദമയി മഠം സംഘടിപ്പിച്ച യോഗദിനപരിപാടി ഉദ്ഘാടനം ചെയ്യുകയായിരുന്നു അദ്ദേഹം.
ഇടപ്പള്ളി ബ്രഹ്മസ്ഥാനം ഹാളില് നടന്ന പരിപാടിയില് അമൃത വിദ്യാലയ പ്രിന്സിപ്പല് വിജയലക്ഷ്മി അദ്ധ്യക്ഷയായി. സിനിമാതാരം അജു വര്ഗ്ഗീസ് മുഖ്യാതിഥിയായി. ബ്രഹ്മചാരി അനഘാമൃതചതന്യ അനുഗ്രഹപ്രഭാഷണം നടത്തി. ഹരിഹരന് സ്വാഗതവും അമൃത വിദ്യാലയ വൈസ് പ്രിന്സിപ്പല് ഗീതാസുരേഷ് നന്ദിയും രേഖപ്പെടുത്തി.
സംസ്കൃത
സര്വ്വകലാശാല
കാലടി: ശ്രീ ശങ്കരാചാര്യ സംസ്കൃത സര്വ്വകലാശാലയില്, അന്താരാഷ്ട്ര യോഗദിനം ആചരിച്ചു. പ്രോ വൈസ് ചാന്സലര് ഡോ. ധര്മ്മരാജ് അടാട്ട് ഉദ്ഘാടനം ചെയ്തു. തുടര്ന്ന് യോഗപരിശീലന ക്ലാസ്സ് നടന്നു. എന്എസ്എസ് യൂണീറ്റുകളും, കായികവിഭാഗവും സംയുക്തമായാണ് യോഗദിനാചരണം സംഘടിപ്പിച്ചത്. യോഗ വിഭാഗം കോഓര്ഡിനേറ്റര് ഡോ. എസ്. സുരേഷ്കുമാര്, കായികപഠന വിഭാഗം മേധാവി ഡോ. എം.ആര്. ദിനു, ഡോ. ലൂക്കോസ് ജോര്ജ്ജ് എന്നിവര് പ്രസംഗിച്ചു. എന്എസ്എസ് പ്രോഗ്രാം ഓഫീസര് സരിത ടി. പി. നന്ദിയും പറഞ്ഞു.
ആദി ശങ്കര
കോളജ്
കാലടി: ആദി ശങ്കര എന്ജിനീയറിങ് കോളേജിലെ എന്എസ്എസ് ടെക്നിക്കല് സെല്ലിന്റെ നേതൃത്വത്തില് അന്താരാഷ്ട്ര യോഗദിനം ആചരിച്ചു. പ്രിന്സിപ്പാള് ഡോക്ടര് പി.സി. നീലകണ്ഠന് ഉദ്ഘാടനം ചെയ്തു. ദിവകാരമേനോന്, ഡോക്ടര് രാജേഷ് എന്നിവര് സംസാരിച്ചു. ശ്രീലക്ഷ്മി റ്റി എന് അദ്ധ്യാപകര്ക്കും വിദ്യാര്ത്ഥികള്കുമായി യോഗ പരിശീലനം നടത്തി. സിജോ ജോര്ജ്ജ്, അനിത പി, ഉണ്ണികൃഷ്ണന് എസ്. നായര് എന്നിവര് നേതൃത്വം നല്കി.
എന്എസ്എസ് യൂണിയന്
ആലുവ: എന്എസ്എസ് ആലുവ താലൂക്ക് യൂണിയന് മാനവ വിഭവശേഷി വകുപ്പിന്റെ ആഭിമുഖ്യത്തില് ലോക യോഗ ദിനാചരണം നടത്തി. താലൂക്ക് യൂണിയന് പ്രസിഡന്റ് എ.എന്. വിപിനേന്ദ്രകുമാര് ഉദ്ഘാടനം ചെയ്തു. വൈസ് പ്രസിഡന്റ് പ്രൊഫ. കെ.എസ്.ആര്. പണിക്കര് അദ്ധ്യക്ഷത വഹിച്ചു.
