അഹമ്മദാബാദ്: ഗുജറാത്തിനെതിരായ സി.കെ. നായിഡു ക്രിക്കറ്റ് മത്സരത്തില് കേരളത്തിന് തോല്വി. നാല് വിക്കറ്റിനാണ് ഗുജറാത്ത് ജയിച്ചത്.
രണ്ടാം ഇന്നിങ്ങ്സില് ജയിക്കാന് 118 റണ്സ് വേണ്ടിയിരുന്ന ഗുജറാത്ത് ആറ് വിക്കറ്റ് നഷ്ടപ്പെടുത്തി ലക്ഷ്യം മറികടന്നു. പുറത്താകാതെ 43 റണ്സെടുത്ത കഥന് ഡി. പട്ടേലിന്റെ ഭേദപ്പെട്ട ബാറ്റിങ്ങാണ് ഗുജറാത്തിനെ ജയത്തിലേക്ക് നയിച്ചത്. രാഹുല് വി. ഷാ 21 റണ്സെടുത്തു. കേരളത്തിനായി ആതിഫ് ബിന് അഷറഫ് മൂന്നും ആനന്ദ് ജോസഫ് രണ്ടും വിക്കറ്റുകള് വീഴ്ത്തി.
കേരളം ഒന്നാം ഇന്നിങ്ങ്സില് 161 റണ്സിന് പുറത്തായപ്പോള് ഗുജറാത്ത് 298 റണ്സ് നേടി. 137 റണ്സിന്റെ ലീഡ് വഴങ്ങിയ കേരളം രണ്ടാം ഇന്നിങ്ങ്സില് 254ന് പുറത്തായി.
