റോം: ഇറ്റാലിയന് സീരി എയില് കരുത്തരായ എസി മിലാന് എവേ മത്സരത്തില് സമനില. ലാസിയോയാണ് 1-1ന് അവരെ തളച്ചത്. തുടര്ച്ചയായ മൂന്ന് തോല്വികള്ക്കുശേഷം മിലാന്റെ ആദ്യ സമനിലയാണിത്.
തുല്യശക്തികളുടെ പോരാട്ടമായിരുന്നെങ്കിലും ആദ്യം ഗോള് നേടിയത് ലാസിയോ. ആദ്യപകുതിയുടെ പരിക്കുസമയത്ത് ലഭിച്ച പെനാല്റ്റി ലക്ഷ്യത്തിലെത്തിച്ച് ലൂക്കാസ് ബഗ്ലിയയാണ് ആതിഥേയരെ മുന്നിലെത്തിച്ചത്.
പിന്നീട് 85-ാം മിനിറ്റില് ജോക്വിന് ഫെര്ണാണ്ടസ് ലക്ഷ്യം കണ്ടതോടെ മിലാന് സമനില പിടിക്കുകയായിരുന്നു. 24 കളികളില് നിന്ന് 44 പോയിന്റുമായി ലാസിയോ ആറാമതും 24 കളികളില് നിന്ന് 41 പോയിന്റുമായി മിലാന് ഏഴാമതുമാണ്.
