നാഗ്പൂര്: ഇംഗ്ലണ്ട് അണ്ടര് 19 ടീമിനെതിരായ ആദ്യ ചതുര്ദ്ദിന മത്സരം സമനിലയില്. അപ്രതീക്ഷിതമായി പരാജയത്തെ അഭിമുഖീകരിച്ച ഇന്ത്യന് യുവനിര സമനില പിടിച്ചുവാങ്ങുകയായിരുന്നു. 92 റണ്സെടുത്ത് പുറത്താകാതെ നിന്ന സുരേഷ് ലോകേശ്വറിന്റെ ഒറ്റയാന് പോരാട്ടമാണ് ഇന്ത്യക്ക് സമനില നേടിക്കൊടുത്തത്. സ്കോര് ചുരുക്കത്തില്: ഇംഗ്ലണ്ട് 501/1 ഡിക്ല. 167. ഇന്ത്യ 431/8 ഡിക്ല. 189/8.
രണ്ട് ടീമുകളും ആദ്യ ഇന്നിങ്ങ്സില് കൂറ്റന് സ്കോര് കണ്ടെത്തിയതോടെ കളി സമനിലയില് കലാശിക്കുമെന്ന് ഉറപ്പിച്ചിരിക്കെയാണ് അപ്രതീക്ഷിത വിക്കറ്റ് വീഴ്ച കണ്ടത്. ഇന്നലെ ഒന്നിന് 23 എന്ന നിലയില് രണ്ടാം ഇന്നിങ്ങ്സ് ആരംഭിച്ച ഇംഗ്ലണ്ടിനെ മലയാൡ താരം സിജോമോന് ജോസഫിന്റെ തകര്പ്പന് ബൗളിങ്ങിന്റെ കരുത്തില് 167 റണ്ണിന് എറിഞ്ഞിട്ടു. 20 ഓവറില് 62 റണ്സ് വഴങ്ങി ആറ് വിക്കറ്റുകളാണ് സിജോമോന് വീഴ്ത്തിയത്. മറ്റൊരു മലയാളി താരമായ ഡാരില് എസ്. ഫെറാറിയോ രണ്ട് വിക്കറ്റും വീഴ്ത്തി. ഒന്നാം ഇന്നിങ്ങ്സില് 70 റണ്സിന്റെ ലീഡ് ലഭിച്ച ഇംഗ്ലണ്ട് രണ്ടാം ഇന്നിങ്ങ്സില് ചെറിയ സ്കോറിന് പുറത്തായതോടെ ഇന്ത്യയുടെ വിജയലക്ഷ്യം 238 റണ്സായി.
238 റണ്സിന്റെ വിജയലക്ഷ്യവുമായി ബാറ്റിങ്ങിനിറങ്ങിയ ഇന്ത്യക്ക് 8 വിക്കറ്റ് നഷ്ടത്തില് 189 റണ്സെടുക്കാനേ കഴിഞ്ഞുള്ളൂ. ഒരു ഘട്ടത്തില് ഏഴിന് 100 എന്ന നിലയില് തകര്ന്ന ഇന്ത്യയെ ലോകേശ്വറിന്റെ മികച്ച ഇന്നിങ്സ് രക്ഷിച്ചു. ഡാരില് എസ്. ഫെറാറിയോ 37 റണ്സുമെടുത്തു.
