പുല്ലൂര്: അനുഭവസമ്പത്തും പ്രതിസന്ധികളില് തളരാത്ത മനസ്സും രാഷ്ടീയ ഭേദമന്യേയുളള സുഹൃത്ത് ബന്ധം ഇതെല്ലാം പുല്ലൂര് കുഞ്ഞിരാമേട്ടനെ മികച്ച പൊതുപ്രവര്ത്തകനായി മാറ്റി. ജിവിതകാലം മുഴുവന് പ്രസ്ഥാനത്തിന് പ്രവര്ത്തിച്ച കുഞ്ഞിരാമേട്ടന് നമുക്ക് എന്നും മാതൃകയാണെന്ന് ബി ജെപി ജില്ലാ ജനറല് സെക്രട്ടറി എ വേലായുധന് പറഞ്ഞു.
ബിജെപി പുല്ലൂര് പെരിയ പഞ്ചായത്ത് സംഘടിപ്പിച്ച പുല്ലൂര് കുഞ്ഞിരാമന് അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പ്രവര്ത്തകര്ക്ക് പ്രചോദനം നല്കുന്നതില് ശ്രദ്ധപുലര്ത്തിയ കുഞ്ഞിരാമേട്ടന് നമ്മുടെ മാര്ഗ്ഗദര്ശ്ശിയാണ്. സുഖവിവരമന്വേഷിക്കാതെ ആരേയും വിടാറില്ല. തന്റെ പ്രവര്ത്തനം കൊണ്ട് ഉന്നതസ്ഥാനത്ത് എത്താമായിരുന്നിട്ടും അതിനൊന്നും ശ്രമിക്കാതെ നാട്ടുകാരുടെ ഒരുമിച്ച് നടന്ന് ആധ്യാത്മിക നവോത്ഥാന മണ്ഡലങ്ങളില് തന്റെതായ സംഭാവന നല്കുന്നതില് വിജയിച്ച കുഞ്ഞിരാമേട്ടന് ഉയര്ത്തിയ ആദര്ശത്തിന്റെ ദീപനാളം കെടാതെ സൂക്ഷിക്കാന് അദ്ദേഹത്തിന്റെ ആത്മാവ് നമ്മുടെ ഒരുമിച്ചുണ്ടാകുമെന്ന് അനുസ്മരണ പ്രഭാഷണം നടത്തിയ ബാലഗോകുലം ജില്ലാ ഉപാധ്യക്ഷന് പി.ഉണ്ണികൃഷ്ണന് പറഞ്ഞു.
ചടങ്ങില് ആര്എസ്എസ് ജില്ലാ കാര്യവാഹ് കെ.ശ്രീജിത്ത്, ജില്ലാ പ്രചാരക് മനു മോഹന് ബിഎംഎസ് മേഖലാ പ്രസിഡന്റ് എ.വി.ഗിരീഷ്, ബിജെപി ഉദുമ മണ്ഡലം പ്രസിഡന്റ് കെ.ടി.പുരുഷോത്തമന്, വാര്ഡ് അംഗം എ.സന്തോഷ്, ജനാര്ദ്ദന് കുറ്റികോല്, ഹിന്ദു ഐക്യ വേദി താലൂക്ക് അധ്യക്ഷന് ബാലന് കുന്നുമ്മങ്ങാനം, ഗോവിന്ദന് കുടാനം (അക്ഷയശ്രീ ഭാരവാഹി), ബാല ഗോകുലം ജില്ലാ കാര്യദര്ശി ജയറാം മാടിക്കാല് എന്നിവര് സംബന്ധിച്ചു. ടി.വി.സുരേഷ് അധ്യക്ഷത വഹിച്ച സമ്മേളനത്തില് പി.രതീഷ് സ്വാഗതം പറഞ്ഞു.
