പാലക്കാട്: വിശ്വയോഗദിനാഘോഷ സമിതിയും പണ്ഡിറ്റ് ദീനദയാല് ഉപാധ്യായ ജന്മവാര്ഷികാഘോഷ സമിതിയും സംയുക്തമായി വിശ്വയോഗാദിനം ആഘോഷിക്കുന്നു.
21ന് രാവിലെ ആറിന് ഇന്റോര് സ്റ്റേഡിയത്തില് സ്വാമി നിത്യാനന്ദസരസ്വതി ഭദ്രദീപം തെളിയിക്കും. കേന്ദ്ര വാണിജ്യവ്യവസായ വകുപ്പ് സഹമന്ത്രി നിര്മ്മലാസീതാരാമന് ഉദ്ഘാടനം ചെയ്യുമെന്ന് സംഘാടകര് പത്രസമ്മേളനത്തില് അറിയിച്ചു. 6.30ന് ആയുഷ് മന്ത്രാലയം തയ്യാറാക്കിയ യോഗാപരിശീലനം ആരംഭിക്കും.
വിശ്വയോഗാദിനത്തിന് മുന്നോടിയായി 19ന് രാവിലെ 9.30ന് വിക്ടോറിയ കോളേജില് നിന്നാരംഭിക്കുന്ന വിളംബര യാത്ര ടൗണ്ഹാളില് സമാപിക്കും. പ്രമേഹമുക്തഭാരതം ലക്ഷ്യമാക്കിയുള്ള ആയുഷ്മന്ത്രാലയത്തിന്റെ പ്രത്യേക യോഗാപരിശീലനം 23 മുതല് 30 വരെ കൊപ്പം ലയണ്സ് സ്കൂളില് നടക്കും.
യോഗാചാര്യന് വെള്ളിനേഴി സജീന്ദ്രന് നേതൃത്വം നല്കും. വൈകിട്ട് അഞ്ച് മുതല് 6.30 വരെയാണ് പരിശീലനം. ബന്ധപ്പെടേണ്ട നമ്പര് 9946784441,94478667399.
പത്രസമ്മേളനത്തില് രക്ഷാധികാരി വി.കെ.സോമസുന്ദരന്, വി.പി.മുരളീധരന്,കോ-ഓര്ഡിനേറ്റര് കെ.വിജയകുമാര്, ചെയര്മാന് എസ്.എസ്.കൈമള്,ബി.കെ.ഗോപാലകൃഷ്ണന് പി.പ്രഭാകരന് പങ്കെടുത്തു.
