ചെന്നൈ: തമിഴ്നാട് മുന് മുഖ്യമന്ത്രി ജയലളിതയുടെ 100 കോടി പിഴ അടയ്ക്കാന് തയാറെന്ന് അനന്തരവന് ദീപക് ജയകുമാര്. തമിഴ് രാഷ്ട്രീയത്തെ വീണ്ടും ചര്ച്ചകളിലേക്ക് വലിച്ചിഴയ്ക്കുന്നതാണ് ദീപക്കിന്റെ പ്രസ്താവന. എഐഎഡിഎംകെ നേതാക്കളായിരിക്കാന് ശശികലക്കും ഡെപ്യൂട്ടി ജനറല് സെക്രട്ടറി പദവിയില് ടി.ടി.വി. ദിനകരനും യോഗ്യതയില്ലെന്നും ദീപക് വിമര്ശിച്ചു.
മുന് മുഖ്യമന്ത്രി പനീര്സെല്വത്തിനാണ് ജയലളിതയ്ക്ക് ശേഷം പാര്ട്ടിയില് ഐക്യം നിലനിര്ത്താന് സാധിക്കുന്നത്. രാഷ്ട്രീയത്തിലെ കുടുംബവാഴ്ച്ചയ്ക്ക് ജയലളിത എതിരായിരുന്നു. ശശികലയും ദിനകരനും അതാണ് അനുവര്ത്തിക്കുന്നത്. ഇരുവരും ഉള്പ്പടെ 14 പേരെ ജയലളിത പോയസ് ഗാര്ഡനില് നിന്നു 2011ല് പുറത്താക്കി. അതിനുശേഷം പൊതുമാപ്പ് പറഞ്ഞതിനെ തുടര്ന്ന് 2012ല് ശശികലയെ മാത്രം തിരിച്ചെടുത്തു.
പോയസ് ഗാര്ഡന് കുടുംബ സ്വത്താണ്. അത് ദീപയ്ക്കോ തനിക്കോ ഭാവിയില് വന്നുചേരും. വായ്പ്പ ലഭിക്കുമെങ്കില് ജയലളിതയുടെ 100 കോടി പിഴ നല്കാന് തയാറാണെന്നും ദീപക് അറിയിച്ചു.
