ഗോള് നേടിയ ചെല്സി താരം ഫാബ്രിഗസിന്റെ ആഹ്ലാദപ്രകടനം
ലണ്ടന്:സ്വാന്സിയെ അനായാസം കീഴടക്കി ചെല്സി ഇംഗ്ലീഷ് പ്രീമിയര് ലീഗയില് ലീഡ് ഉയര്ത്തി.ഒന്നിനെതിരേ മുന്ന് ഗോളുകള്ക്കാണ് ചെല്സി സ്വാന്സിയെ തകത്തുവിട്ടത്.ഫാബ്രിഗസ് , പെഡ്രോ, ഡീഗോ കോസ്റ്റ എന്നിവരാണ് ചെല്സിക്കായി ഗോള് നേടിയത്.
പത്തൊന്പതാം മിനിറ്റില് ഫാബ്രിഗ്സ് ചെല്സിയെ മുന്നിലെത്തിച്ചു.പിന്നീട് ഒട്ടെറെ അവസരങ്ങള് ചെല്സിക്ക് ലഭിച്ചെങ്കെിലും സ്വാന്സി ഗോളി അതൊക്കെ തടഞ്ഞു.ആദ്യ പകുതിയവസാനിക്കാന് നിമിഷങ്ങള് ശേഷിക്കെ സ്വാന്സി ഗോള് മടക്കി.സിഗേഴ്സിന്റെ ഫ്രീക്കിക്ക് ഒന്നാംന്തരമൊരു ഹെഡറിലുടെ ലോറെന്റെ ഗോളാക്കി.
രണ്ടാം പകുതിയുടെ തുടക്കത്തില് ഫാബ്രിഗ്സിന് ഗോള് നേടാന് അവസരം ലഭിച്ചു. പക്ഷെ ഷോട്ട പുറത്തേയ്ക്ക് പറന്നു.
72-ാം മിനിറ്റില് ചെല്സി മുന്നിലെത്തി.ഫാബ്രിഗസിന്റെ പാസ് മുതലാക്കി പെഡ്രോയാണ് സ്കോര് ചെയ്തത്.കളിയവസാനിക്കാന് ആറു മിനിറ്റുളളപ്പോള് ചെല്സി മൂന്നാം ഗോളും നേടി വിജയമുറപ്പിച്ചു.ബോക്സിനടുത്തു നിന്ന് ഡീഗോ കോസ്റ്റ തൊടുത്തു വിട്ട ഷോട്ട് വലയില് കയറി.ഈ സീസണില് ഡീഗോ കോസ്റ്റയുടെ 16-ാം ഗോളാണിത്.
