റോം: ഇറ്റാലിയന് ലീഗില് കിരീടം ലക്ഷ്യമിട്ട് കുതിക്കുന്ന യുവന്റസിന് അപ്രതീക്ഷിത സമനില. പോയിന്റ് പട്ടികയില് 14-ാമതുള്ള ഉദിനെസെയാണ് അവരെ 1-1ന് സമനിലയില് തളച്ചത്. 60-ാം മിനിറ്റില് ബൊനൂച്ചി നേടിയ ഗോളാണ് യുവന്റസിന് സമനില നേടിക്കൊടുത്തത്. 37-ാം മിനിറ്റില് സപാറ്റയിലൂടെയാണ് ഉദിനെസെ ലീഡ് നേടിയത്. 67 പോയിന്റുമായി യുവന്റസ് ഒന്നാം സ്ഥാനത്ത് തുടരുന്നു.
മറ്റൊരു മത്സരത്തില് കാഗ്ലിയാരിയെ 5-1ന് തകര്ത്ത് ഇന്റര്മിലാന് പട്ടികയില് ആറാം സ്ഥാനത്തേക്കുയര്ന്നു. ഇന്ററിനായി ഇവാന് പെരിസിച്ച് (34, 47 മിനിറ്റുകളില്) രണ്ടു ഗോളുകള് നേടി. എവര് ബനേഗ, ഇക്കാര്ഡി, റോബര്ട്ടോ ഗാഗ്ലിയാര്ഡിനി എന്നിവരും ലക്ഷ്യം കണ്ടു. വിജയത്തോടെ 27 കളികളില് നിന്ന് ഇന്ററിന് 51 പോയിന്റായി.
