പാനൂര്‍: പാനൂര്‍ താലൂക്ക് ആശുപത്രിക്കായി മറ്റൊരു സ്ഥലം കണ്ടെത്താന്‍ സിപിഎമ്മില്‍ ഒരു വിഭാഗത്തിന്റെ തീരുമാനം. എതിര്‍പ്പ് ശക്തം. താലൂക്ക് ആശുപത്രിക്കായി ബസ്റ്റാന്‍ഡ് ബൈപാസ് റോഡില്‍ കണ്ടെത്തിയ 1 ഏക്കര്‍ 80സെന്റ്്സ്ഥലം കണ്ടെത്തുകയും, 50ലക്ഷം അഡ്വാന്‍സ് നല്‍കുകയും ചെയ്തിരുന്നു. മുന്‍ മന്ത്രി കെപി.മോഹനന്‍ ചെയര്‍മാനായ ജനകീയ കമ്മറ്റിയാണ് സ്ഥലം കണ്ടെത്തിയതും ഒരു കോടി പിരിച്ചതും. ഇതില്‍ 50ലക്ഷം ബാങ്കില്‍ നിക്ഷേപിച്ചിട്ടുമുണ്ട്. നിലവിലുളള സ്ഥലം ആര്‍എസ്എസ് കാര്യാലയത്തിനു സമീപമാണെന്നും, ഇതു രജിസ്റ്റ്ര്‍ ചെയ്താല്‍ ഇതിന്റെ ആനുകൂല്യം മുന്‍മന്ത്രി കെപി.മോഹനനു വന്നു ചേരുമെന്നാണ് സിപിഎം നിലപാട്. ആരോഗ്യമന്ത്രി കെകെ.ശൈലജയോട് നിലവിലെ സ്ഥലമെടുപ്പ് കമ്മറ്റിയുമായി സഹകരിക്കരുതെന്ന കര്‍ശന നിര്‍ദ്ദേശം സിപിഎം നല്‍കിയിട്ടുണ്ട്. ഒരു വര്‍ഷം തികഞ്ഞിട്ടും താലൂക്ക് ആശുപത്രിക്കു വേണ്ടി മന്ത്രി കെകെ.ശൈലജ ഒന്നും ചെയ്യാത്തത് വിമര്‍ശനത്തിന് കാരണമായിട്ടുണ്ട്. നഗരസഭ കൗണ്‍സിലറും, സിപിഎം ഏരിയാകമ്മറ്റി അംഗവുമായ കെകെ.സുധീര്‍കുമാറും, ലോക്കല്‍ സെക്രട്ടറി കെകെ.പ്രേമനും നിലവിലെ കമ്മറ്റിയുടെ കൂടെയാണ്. ആശുപത്രിക്ക് സ്ഥലം കണ്ടെത്താനും, പണം പിരിക്കാനും ഈ രണ്ടു നേതാക്കന്‍മാരും മുന്‍നിരയിലുണ്ടായിരുന്നു. ഒരു കാരണവശാലും ആശുപത്രി സ്ഥലം മാറ്റാന്‍ അനുവദിക്കില്ലെന്ന നിലപാടാണ് ഒരു വിഭാഗം സിപിഎം നേതാക്കന്‍മാര്‍ക്കുളളത്. മറ്റൊരു സ്ഥലം കണ്ടെത്താന്‍ ഒരു വിഭാഗം ശ്രമവും തുടങ്ങിയിട്ടുണ്ട്.ആശുപത്രി സ്ഥലം മാറ്റാനുളള നീക്കത്തെ എതിര്‍ക്കുമെന്ന് ബിജെപിയും യുഡിഎഫും അറിയിച്ചു.
Friday, December 6, 2024
പാനൂര്‍ താലൂക്ക് ആശുപത്രിക്കായി മറ്റൊരു സ്ഥലം കണ്ടെത്താന്‍ സിപിഎമ്മില്‍ ഒരു വിഭാഗത്തിന്റെ തീരുമാനം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: