കോഴിക്കോട്: കുമ്പസാര രഹസ്യം കേള്ക്കാന് കന്യാസ്ത്രീകളെ നിയോഗിക്കണമെന്നതില് കത്തോലിക്കാ സഭാപുരോഹിതന് ആലഞ്ചേരിക്ക് വിയോജിപ്പെന്ന് കേരള കാത്തലിക് റിഫോര്മേഷന് മൂവ്മെന്റ് ലീഗല് അഡൈ്വസര്. അഡ്വ. ഇന്ദുലേഖ ജോസഫ്. കോഴിക്കോട് കേസരി വാരിക സംഘടിപ്പിച്ച സെമിനാറില് സ്ത്രീശാക്തീകരണം കേരളത്തില് എന്ന വിഷയത്തില് സംസാരിക്കുകയായിരുന്നു അവര്.
കുമ്പസാരരഹസ്യം കേള്ക്കാന് കന്യാസ്ത്രീകളെ നിയോഗിക്കണമെന്നാവശ്യപ്പെട്ട് ഞായറാഴ്ച സമരത്തിന് ഒരുങ്ങവെ ആലഞ്ചേരി ചര്ച്ചക്ക് വിളിച്ചു. എന്നാല് നിരാശാജനകമായ മറുപടിയാണ് ലഭിച്ചത്. വികാരിമാരെ പീഡിപ്പിക്കാന് പ്രേരിപ്പിക്കുന്നത് സ്ത്രീകളാണെന്ന് ആലഞ്ചേരി പറഞ്ഞതായി അവര് പറഞ്ഞു. കുമ്പസാരിക്കുമ്പോള് പുരോഹിതന്മാരില് ആരാണ് പീഡകര് പീഡകരല്ലാത്തവര് എന്ന് തിരിച്ചറിയാന് കഴിയാത്ത അവസ്ഥയാണ് കേരളത്തില്. കുമ്പസാര കൂടുകള് പീഡനത്തിന്റെ ഇടമായി മാറിയിരിക്കുകയാണ്. അധികാരികളും സഭയും അതിന് കൂട്ടുനില്ക്കുകയാണ്.
മാഫിയകളുടെ ഇന്സ്റ്റിറ്റിയൂഷനാണ് കത്തോലിക്കാ സഭയെന്നും അവര് പറഞ്ഞു. ഏകീകൃത സിവില് കോഡ് വരേണ്ടത് സ്ത്രീ സമൂഹത്തിനെതിരെയുള്ള അതിക്രമങ്ങള് അവസാനിപ്പിക്കാന് അത്യാവശ്യമാണെന്നും, സ്ത്രീശക്തി യാണെന്ന സത്യം അവര് തിരിച്ചറിയണമെന്നും അവര് കൂട്ടിചേര്ത്തു.
