കട്ടപ്പന: സംസ്ഥാന സര്ക്കാരിന്റെ ഈ വര്ഷത്തെ ആരോഗ്യപുരസ്കാരം കട്ടപ്പന നഗരസഭയ്ക്ക് ലഭിച്ചതായി നഗരസഭാ ചെയര്മാന് ജോണി കുളംപള്ളി പത്രസമ്മേളനത്തില് അറിയിച്ചു. ആരോഗ്യമേഖലയില് കഴിഞ്ഞ വര്ഷം നടപ്പാക്കിയ വിവിധ പദ്ധതികളാണ് നേട്ടത്തിന് അര്ഹമാക്കിയത്. 10 ലക്ഷം രൂപയും പ്രശസ്തിപത്രവും അടങ്ങുന്നതാണ് അവാര്ഡ്. തിങ്കളാഴ്ച തിരുവനന്തപുരത്ത് നടക്കുന്ന ചടങ്ങില് ഉപരാഷ്ട്രപതി ഹമീദ് അന്സാരിയില് നിന്നും അവാര്ഡ് ഏറ്റുവാങ്ങും.
കേരളത്തിലെ 93 നഗരസഭകളില് ഒന്നാമതെത്താന് കഴിഞ്ഞത് അഭിമാനാര്ഹമായ നേട്ടമാണെന്ന് ജോണി കുളംപള്ളി പറഞ്ഞു. എല്ലാ വീടുകളിലും ശൗചാലയം നിര്മ്മിക്കാന് കഴിഞ്ഞത് എടുത്തുപറയാവുന്ന നേട്ടമാണ്. മഴക്കാലപൂര്വ്വ ശുചീകരണ പ്രവര്ത്തനങ്ങളും വാര്ഡ് സാനിട്ടേഷന് കമ്മറ്റികളുടെ മികവാര്ന്ന പ്രവര്ത്തനവും അവാര്ഡ് നിര്ണ്ണയകമ്മിറ്റി വിലയിരുത്തിയിരുന്നു.
നഗരം ശുചിയായി സൂക്ഷിക്കുവാന് കഴിഞ്ഞതും വൃദ്ധര്ക്കും വികലാംഗര്ക്കും വനിതകള്ക്കുമായി നടത്തിയ പ്രത്യേക ആരോഗ്യ പ്രവര്ത്തനങ്ങളും നേട്ടത്തിന് കാരണമായി. ആയുര്വേദ, അലോപ്പതി, ഹോമിയോ ആശുപത്രികള് വാര്ഡുകള്തോറും നടത്തിയ സൗജന്യ മെഡിക്കല് ക്യാമ്പുകളും സൗജന്യ മരുന്ന് വിതരണവും പട്ടികവര്ഗകോളനികളില് നടത്തിയ ആരോഗ്യ പ്രവര്ത്തനങ്ങളും നേട്ടത്തിന് കാരണമായതായി ചെയര്മാന് പറഞ്ഞു.
അവാര്ഡ് തുക ആരോഗ്യമേഖലയില് ചെലഴിക്കുമെന്നും ജോണി കുളംപള്ളി അറിയിച്ചു. പത്രസമ്മേളനത്തില് സ്റ്റാന്റിംഗ് കമ്മിറ്റി ചെയര്മാന്മാരായ തോമസ് മൈക്കിള്, മനോജ് എം തോമസ്, കൗണ്സിലര്മാരായ മനോജ് മുരളി, റെജി കൊട്ടയ്ക്കാട്ട്, ബെന്നി എന്നിവര് പങ്കെടുത്തു.
