ലണ്ടന്: ലണ്ടനില് ഭീകരാക്രമണത്തില് ചാവേറുകളായ മൂന്നു പേര്ക്കു വേണ്ടി പ്രാര്ഥനകളും മറ്റ് മരണാനന്തര ചടങ്ങുകളും നടത്താന് ബ്രിട്ടനിലെ ഇമാമുമാര് വിസമ്മതിച്ചു.
ഭീകരര്ക്കു വേണ്ടി തങ്ങള്അന്തിമപ്രാര്ഥനകള് നടത്തില്ലെന്ന് അവര് വ്യക്തമാക്കി. കൊല്ലപ്പെട്ടവരുടെ ബന്ധുക്കളുടെ വേദനയാണ് ഇത്തരമൊരു തീരുമാനമെടുക്കാന് തങ്ങളെ പ്രേരിപ്പിച്ചത്. അവര് പ്രസ്താവനയില് അറിയിച്ചു.
ഭീകരര് ഓരോ മുസ്ളീമിനും ലഭിക്കേണ്ട മതപരമായ ചടങ്ങുകള്ക്ക് അര്ഹതയില്ലാത്തവരാണ്. ഞങ്ങള് അവരുടെ അന്തിമ കര്മ്മങ്ങള് ചെയ്യില്ല. ഇക്കാര്യം മറ്റ് ഇമാമുമാരോടും ഞങ്ങള് അഭ്യര്ഥിക്കുന്നു.
ഒരു തരത്തിലും ന്യായീകരിക്കാന് കഴിയാത്ത അവരുടെ പ്രവര്ത്തികള് ഇസ്ലാമിന് വിരുദ്ധമാണ്. നിരപരാധികളെ കൊന്നൊടുക്കിയതില് ഞെട്ടല് പ്രകടിപ്പിച്ച അവര് ഭീകരതക്ക് മതപരമായ ന്യായീരണവം ഇല്ലെന്നും വ്യക്തമാക്കി.
130ലേറെ ഇസ്ലാമിക പുരോഹിതരാണ് ലണ്ടനിലുള്ളത്. ഏഴു പേരുടെ മരണത്തിനും 47 പേര്ക്ക് പരിക്കേല്ക്കാനും ഇടയായ ഭീകരാക്രമണത്തെ അവര് അപലപിച്ചു.
