ഏറ്റുമാനൂര്‍: ശബരിമല ക്ഷേത്രത്തിലെ സ്വര്‍ണക്കൊടിമര പുനപ്രതിഷ്ഠയുടെ ഭാഗമായി കൊടിമരത്തിന്റെ മുകളില്‍ പ്രതിഷ്ഠിക്കുവാനുള്ള വാജി വാഹനം (കുതിര അഷ്ടദിക്പാലകര്‍ എന്നിവ വഹിച്ചുകൊണ്ടുള്ള രഥഘോഷയാത്രക്ക് കോട്ടയം തിരുനക്കരയിലുംഏറ്റുമാനൂരും ഉജ്ജല വരവേല്‍പ്പ്.
തിരുനക്കരയിലെ സ്വീകരണത്തിന് ശേഷം ഉച്ചക്ക് രണ്ടു മണിക്ക് ഏറ്റുമാനൂര്‍ സെന്‍ട്രല്‍ ജംഗഷനില്‍ വച്ച് സുരേഷ് കുറുപ്പ് എം.എല്‍.എ., ഏറ്റുമാനൂര്‍ രാധാകൃഷ്ണന്‍ ,വ്യാപാര വ്യവസായ ഏകോപന സമിതി പ്രസിഡന്റ് എന്‍.പി.തോമസ് ,നഗരസഭ അദ്ധ്യക്ഷന്‍ ജയിംസ് പ്ലാക്കി തൊട്ടി ,എന്നിവരുടെയും നൂറുകണക്കിന് ഭക്തജനങ്ങളുടെയും ,വാദ്യമേളങ്ങളുടെയും ,നാമജപത്തിന്റെയും അകമ്പടിയോടുകൂടി സ്വീകരിച്ച്ഏറ്റുമാനൂര്‍ മഹാദേവക്ഷേത്രസന്നിതിയില്‍ രഥഘോഷയാത്ര എത്തി. ഇതിന് ശേഷം നടന്ന സമ്മേളനത്തില്‍ ഗുരുവായൂര്‍ ദേവസ്വം ബോര്‍ഡ് ചെയര്‍മാന്‍ എന്‍.പീതാംബകുറുപ്പ് ,വാഴൂര്‍ തീര്‍ത്ഥപാദാശ്രമത്തിലെ സ്വാമി വിജയബോധാനന്ദ, ദേവസ്വം അഡ്മിനസ് ട്രേറ്റീവ് ഓഫീസര്‍ എന്‍.ഗോപാല കൃഷണന്‍, കെ.എന്‍.ശ്രീകുമാര്‍ ,ഹൈക്കോടതി അഡ്വ.കമ്മീഷണര്‍ എ .എസ് .പി കുറുപ്പ്, സിനിമാ നടന്‍ ഹരിശ്രീ അശോകന്‍ എന്നിവര്‍ സംസാരിച്ചു.
