ഉഴവൂര് : ജില്ലാപഞ്ചായത്തിന്റെയും ലോകബാങ്കിന്റെയും സഹായത്തോടെ ഉഴവൂര് പഞ്ചായത്തില് പുതിയതായി പണികഴിപ്പിച്ച പഞ്ചായത്തോഫീസ് അനക്സ് കെട്ടിടത്തിന്റെ ഉദ്ഘാടനം പ്രതിപക്ഷത്തിന്റെ ശക്തമായ പ്രതിഷേധത്തെ തുടര്്ന്ന് മാറ്റിവെച്ചു. കെട്ടിടനിര്മ്മാണത്തിന് ആവശ്യമായ ഫണ്ട് നേടിയെടുക്കാന് മുന്കൈയെടുത്ത പഞ്ചായത്തംഗം ഡോ.സിന്ധുമോള് ജേക്കബിന് പരിപാടിയില് അര്ഹമായ പരിഗണന നല്കാത്തതിനെ തുടര്ന്നാണ്് പ്രതിക്ഷേധം അരങ്ങേറിയത്. ഉദ്ഘാടനവുമായി ബന്ധപ്പെട്ട്് പഞ്ചായത്ത് പ്രസിഡന്റ് എം.റ്റി. മേരിയും, വൈസ് പ്രസിഡന്റ് പി.എല്. അബ്രാഹവും ജനങ്ങളെ തെറ്റിദ്ധരിപ്പതായി പ്രതിപക്ഷം ആരോപിച്ചു.
ഈ മാസം 24ന് കൂടിയ അടിയന്തര ഭരണസമിതിയുടെ ഒന്നാം നമ്പര് തീരുമാനപ്രകാരം 29ന് രാവിലെ 9 മണിക്ക് അനക്സ് ബില്ഡിംഗിന്റെ ഉദ്ഘാടനം നടത്തുവാന് തീരുമാനിച്ചു, വാര്ഡ് മെമ്പര് ഡോ. സിന്ധുമോള് ജേക്കബ് സ്വാഗതം ആശംസിക്കുതിനോ, ആമുഖ പ്രസംഗം നടത്തുതിനോ അവസരം നല്കണമെന്ന്ആവശ്യപ്പെടുകയും ഭരണസമിതി യോഗം ഏകകണ്ഠമായി അംഗീകാരം നല്കിയതുമാണ്.യോഗത്തിലേക്ക് സര്വ്വകക്ഷി രാഷ്ട്രീയ നേതാക്കളേയും, വ്യാപാരി വ്യവസായി പ്രതിനിധികളേയും ഉള്പ്പെടുത്തി നോട്ടീസ് അച്ചടിച്ച് വിതരണം ചെയ്യുവാനും തീരുമാനിച്ചു. ഈ തീരുമാനങ്ങള്ക്ക് വിരുദ്ധമായാണ് ഉദ്ഘാടന ക്ഷണകത്തും, നോട്ടീസും അച്ചടിപ്പിച്ചത്. പഞ്ചായത്ത് വൈസ് പ്രസിഡന്റിന്റെ നേതൃത്വത്തില് ഉദ്ഘാടന സമ്മേളനം നടത്താനുള്ള നീക്കമാണ് നടന്നതെന്ന് പ്രതിപക്ഷ അംഗങ്ങളായ ഡോ.സിന്ധുമോള് ജേക്കബ്, അജന്ത ജയന്, ആനീസ് മാത്യു, ശാന്തി സജി എന്നിവര് ആരോപിച്ചു.
