കോതമംഗലം: എറണാകുളം ജില്ലയിലെ കിഴക്കന് മേഖലയും ഹൈറേഞ്ചിന്റെ കവാടവുമായ കോതമംഗലത്ത് യാത്രാക്ലേശം വര്ദ്ധിക്കുന്നു. മഴക്കാലമാരംഭിക്കുന്ന സാഹചര്യത്തിലും, വിദ്യാലയങ്ങള് തുറക്കുന്ന സാഹചര്യത്തിലും ഇത്കൂടും. താലൂക്കിലെ മിക്കവാറും എല്ലാ മേഖലയിലും യാത്രക്കാര് ആശ്രയിക്കുന്നത് സ്വകാര്യ ബസ്സുകളെയാണ്. എന്നാല് ചില റൂട്ടുകളില് കെഎസ്ആര്ടിസി ബസ്സുകളും പ്രധാന പങ്ക് വഹിക്കുന്നുണ്ട്.
കോതമംഗലം കെഎസ്ആര്ടിസി ബസ്സ് ഡിപ്പോയില് ആകെ അറുപതോളം ഷെഡ്യൂളുകളാണുള്ളത്. 47 ബസ്സുകളാണ് ഇപ്പോള് ഓടുന്നത്. പന്ത്രണ്ടെണ്ണം കട്ടപ്പുറത്താണ്. ഇതില് ഏതാനും ബസ്സുകള് കാലാവധി കഴിഞ്ഞതാണെന് അധികൃതര് വിശദീകരിക്കുന്നു. കോടികള് ചെലവിട്ട് ആധുനിക വര്ക്ക്ഷോപ്പും വിശ്രമകേന്ദ്രവും ഒരുക്കിയിട്ടുണ്ടെങ്കിലും കട്ടപ്പുറത്തായ ബസ്സുകള് നന്നാക്കി ഓപ്പറേറ്റ് ചെയ്യുന്നതിന് ആത്മാര്ത്ഥശ്രമങ്ങള് നടക്കുന്നില്ലെന്നാണ് ആക്ഷേപം. വനവാസി- ഗ്രാമീണ മേഖലകളിലേക്കുള്ള ബസ്സുകള് ഇടക്കിടക്ക് ട്രിപ്പ് മുടക്കി അവരെ വിഷമിപ്പിക്കുന്നു. ചിലര് സ്വകാര്യ ബസ്സ് ഉടമകളെ സഹായിക്കുകയാണെന്നും ആക്ഷേപമുണ്ട്.
കോതമംഗലത്തെ പലറൂട്ടുകളിലും, പ്രത്യേകിച്ച് ചെമ്മീന്കുത്ത്, മാലിപ്പാറ, ചെങ്കര റോഡ് കുണ്ടുംകുഴിയുമായി കാല് നടയാത്രപോലും സാധിക്കാത്ത സാഹചര്യമാണ്. താലൂക്കിലെ പല ഗ്രാമീണ റോഡുകളും സഞ്ചാരയോഗ്യമല്ലാതായിട്ടുണ്ട്. ഇതിനു പുറമേയാണ് ഗതാഗതക്കുരുക്ക് പ്രശ്നവും. ദേശീയ പാതയും ആലുവ-മൂന്നാര് റോഡ് സന്ധിക്കുന്ന പോസ്റ്റോഫീസ് ജംഗ്ഷനിലുമാണ് പ്രധാനമായും ഗതാഗതക്കുരുക്ക് അനുഭവപ്പെടുന്നത്.
