കണ്ണൂര്: ജനങ്ങളുടെ പ്രശ്നങ്ങളില് മാനുഷിക പരിഗണന നല്കിയാണ് സര്ക്കാര് പദ്ധതികള് നടപ്പാക്കുന്നതെന്ന് തുറമുഖ പുരാവസ്തു വകുപ്പ് മന്ത്രി രാമചന്ദ്രന് കടന്നപ്പള്ളി. കണ്ണൂര് താലൂക്കില് മുഖ്യമന്ത്രിയുടെ ദുരിതാശ്വാസ നിധിയിലേക്ക് അപേക്ഷ സമര്പ്പിച്ചവര്ക്കുള്ള ധനസഹായ വിതരണോദ്ഘാടനം കലക്ട്രേറ്റ് ഓഡിറ്റോറിയത്തില് നിര്വഹിക്കുകയായിരുന്നു മന്ത്രി. ജനകീയ പദ്ധതികള്ക്കാണ് സര്ക്കാര് പ്രാധാന്യം നല്കുന്നത്. സര്കാറിന്റെ എല്ലാ പ്രവര്ത്തനങ്ങള്ക്കും ജനങ്ങളുടെ പൂര്ണ പിന്തുണ ഉണ്ടാകണമെന്നും മന്ത്രി പറഞ്ഞു.
മുഖ്യമന്ത്രിയുടെ ദുരിതാശ്വാസ നിധിയില് നിന്നുളള ധനസഹായത്തിന്റെ വിതരണം കണ്ണപുരം സ്വദേശി കെ.പ്രകാശന് കൈമാറിക്കൊണ്ട് മന്ത്രി ഉദ്ഘാടനം ചെയ്തു. അര്ഹരായ 317 ഗുണഭോക്താക്കള്ക്കായി 1,0484500 (ഒരു കോടി നാലു ലക്ഷത്തി എണ്പത്തിനാലായിരത്തി അഞ്ഞൂറ്) രൂപയാണ് ധനസഹായമായി വിതരണം ചെയ്തത്. ചടങ്ങില് ന്യൂനപക്ഷ വിധവകള്ക്ക് ഭവന നിര്മ്മാണത്തിനുള്ള ധനസഹായവിതരണം ഷാഹിദ കെ.വിക്ക് നല്കി പി കെ ശ്രീമതിഎം പി നിര്വഹിച്ചു.
ആരോഗ്യമന്ത്രി കെ.കെ.ശൈലജ സംബന്ധിച്ചു. ചടങ്ങില് മേയര് ഇ.പി.ലത അധ്യക്ഷത വഹിച്ചു. മുഖ്യമന്ത്രിയുടെ മണ്ഡലം പ്രതിനിധി പി.ബാലന്, ജില്ലാ പഞ്ചായത്ത് പ്രസിഡണ്ട് കെ.വി. സുമേഷ് എന്നിവര് മുഖ്യാതിഥികളായി. എഡിഎം ഇ.മുഹമ്മദ് യൂസഫ്, അസി.കലക്ടര് ആസിഫ് യൂസഫ്, തഹസില്ദാര് ഇ.കെ.സജീവന്, തഹസില്ദാര് (ഇന്ചാര്ജ്ജ്) അമൃതവല്ലി അമ്മാള് എന്നിവര് ചടങ്ങില് സംസാരിച്ചു.
