കൊല്ലങ്കോട്: വീട്ടമ്മയെ കുത്തേറ്റ് മരിച്ച നിലയില് കണ്ടെത്തി.
മീങ്കര ഡാമിനോട് ചേര്ന്നുള്ള ഫിഷറീസ് കോളനിയിലെ വാടക വീട്ടില് താമസിക്കുന്ന ആട്ടയാമ്പതി പരേതനായ ദൊരൈസ്വാമിയുടെ മകള് റാണി (40)യെയാണ് ബുധനാഴ്ച്ച രാത്രി ഒമ്പതരയോടെ വീട്ടില് മരിച്ച നിലയില് കണ്ടെത്തിയത്.കഴുത്തിലും ദേഹത്തുമായി 13 കുത്തേറ്റിട്ടുണ്ട്.
കൊലപാത കാരണം വ്യക്തമായിട്ടില്ല.
ആലത്തൂര് ഡിവൈഎസ്പി മുഹമ്മദ് കാസിം, കൊല്ലങ്കോട് എസ്ഐ പി.ബി.അനീഷ് എന്നിവര് സംഭവസ്ഥലത്തെത്തി പരിശോധന നടത്തി.
പഴനി സ്വദേശി മുരുകേശന് റാണിയെ ഇരുപത്തിരണ്ടു വര്ഷം മുമ്പാണ് വിവാഹം കഴിച്ചത്. ഈ ബന്ധത്തില് നവീന് കുമാര് (21) നന്ദിനി (19) എന്നീ മക്കളും ഉണ്ട്. എന്നാല് പത്ത് വര്ഷം മുമ്പ് ഇവര് പിരിഞ്ഞു.
റാണി ആട്ടയാമ്പതിയിലേക്ക് മടങ്ങുകയായിരുന്നു. ഇതിനിടെ ആനമല കോട്ടൂര് സ്വദേശി ശെല്വനുമായി അടുപ്പത്തിലാവുകയും ചെയ്തു. ആറു മാസമായി അതിര്ത്തി പ്രദേശത്തെ മറ്റൊരു യുവാവുമായി റാണിക്ക് ബന്ധമുണ്ടെന്ന് ആരോപിച്ച് ശെല്വന് നിരന്തരം പ്രശ്നമുണ്ടാക്കിയിരുന്നു. കഴിഞ്ഞ ദിവസം ശെല്വന് ഇവിടെ വന്നു പോയതായി നാട്ടുകാര് പറയുന്നു.
സംഭവം നടന്നതിന് മുന്പും അതിന് ശേഷവും ചെമ്മണാംമ്പതി സ്വദേശിയായ യുവാവ് റാണിയുടെ വീട്ടില് രണ്ടു തവണ വന്നിരുന്നുവത്രേ.
ഇരുവരെക്കുറിച്ചും പോലീസ് അന്വേഷണത്തിലാണ്.
സംഭവസ്ഥലത്ത് വിരലടയാള വിദ്ഗദ്ധ സംഘം അബ്ദുള് റഹിം, ഫോറന്സിക് വിഭാഗം റിനി തോമസ,് പാലക്കാട് ഐആര്ബി ഡോഗ് സ്ക്വാഡ് ഡോഗ സംഘം പരിശോധന നടത്തി. മൃതദേഹം തൃശ്ശൂര് മെഡിക്കല് കോളേജ് ആശുപത്രി മോര്ച്ചറിയില്. അന്വേഷണം തമിഴ് നാട്ടിലേക്കും വ്യാപിപ്പിച്ചതായി സിഐ എന്.എസ്.സലീഷ് പറഞ്ഞു.
