ചങ്ങനാശ്ശേരി: പ്രതീക്ഷയറ്റ കുടുംബത്തിനു കൈത്താങ്ങായി സൗഹൃദത്തിന്റെ ഓര്മ്മക്കൂട്ടില് പൂര്വ വിദ്യാര്ത്ഥി സംഗമം.
പെരുന്ന എന്.എസ്.എസ്. ഹിന്ദു കോളജ് 2004-07 ബാച്ചിലെ പൂര്വ വിദ്യാര്ത്ഥി സംഗമമാണ് സമൂഹത്തിനു മാതൃകയായത്. വൃക്ക മാറ്റി വയ്ക്കല് ശസ്ത്രക്രിയയ്ക്കു വിധേയരായ ഫാത്തിമാപുരം സ്വദേശികളായ അജയനും ഭാര്യ ലതയ്ക്കും ജോലി ചെയ്യാന് കഴിയാതെ വന്നതോടെ ബുദ്ധിമുട്ടിലായ ഇവരുടെ മൂന്നു മക്കളുടെ ഒരു വര്ഷത്തെ വിദ്യാഭ്യാസ ചിലവ് ഏറ്റെടുത്താണ് ഓര്മ്മക്കൂട് സമൂഹത്തിനു മാതൃകയായത്. ബാങ്ക് വായ്്പ എടുത്തതിനെ തുടര്ന്ന് ഇവരുടെ വീടു ജപ്തി ഭീഷണിയിലാണ്. സുമനസ്സുകളുടെയും നാട്ടുകാരുടെയും സഹായത്തോടെയാണ് കുടുംബം കഴിഞ്ഞിരുന്നത്. ഇവരുടെ കുട്ടികള്ക്കുള്ള ബാഗുകളും ബുക്കുകളും പഠനചിലവുമാണ് തിങ്കളാഴ്ച കൈമാറിയത്. ചങ്ങനാശ്ശേരി നഗരസഭ വിദ്യാഭ്യാസ സ്റ്റാന്ഡിങ് കമ്മറ്റി ചെയര്മാന് അഡ്വ. പി.എ. നസീര് പെരുന്ന ഗവ.എല്.പി.സ്കൂളില് നടന്ന സംഗമം ഉദ്ഘാടനം ചെയ്തു. കോളജ് യൂണിയന് മുന് ചെയര്മാന് അരുണ് കൃഷ്ണന് അധ്യക്ഷത വഹിച്ചു. കാലടി ശ്രീശങ്കരാചാര്യ സംസ്കൃത സര്വകലാശാലയില് നിന്നും സംസ്കൃതതത്തില് പി.എച്ച്.ഡി. നേടിയ ഡോ. സന്ധ്യാ മോഹനെ എം. ജി.സര്വകലാശാല ഹിന്ദി മുന് റാങ്ക് ജേതാവും പൂര്വവിദ്യാര്ത്ഥിയുമായ അനീഷ തങ്കപ്പന് ആദരിച്ചു.
