മാഹി: ശ്രീദര്ശന് ആര്ട് ഓഫ് ലിവിങ് കേന്ദ്രയിലെ പ്രവര്ത്തകര് വൃക്കരോഗ ബാധിതനായ നിര്ധന യുവാവിന്റെ അടിയന്തിര ചികിത്സക്കും മറ്റുമായി ആര്ട് ഓഫ് ലിവിങ് സാന്ത്വനകൂട്ടായ്മ രൂപീകരിച്ചു.
ചോമ്പാല ഹാര്ബര് റോഡില് കൃസ്ത്യന് പള്ളിക്കു സമീപം താമസിക്കുന്ന പള്ളിപ്പറമ്പത്ത് വത്സന് (42) ആണ് വൃക്കരോഗം ബാധിച്ച് കഷ്ടത അനുഭവിക്കുന്നത്. കൂലിപ്പണിചെയ്ത് ജീവിച്ചിരുന്ന ഇദ്ദേഹത്തിന് ഗുരുതരമായ വൃക്കരോഗം പിടിപെട്ടതോടെ നിത്യ വരുമാനത്തിനുപോലും വകയില്ലാതായി. ഇതോടെ വത്സന്റെ ഭാര്യ പുഷ്പവല്ലി, മക്കളായ ധന്യ, ധനേഷ് എന്നിവരടങ്ങുന്ന നിര്ധനകുടുംബം കടുത്ത സാമ്പത്തിക പ്രതിസന്ധിയില് പെട്ട് നരകിക്കുകയാണ്.
ആഴ്ചയില് മൂന്നു തവണയെങ്കിലും വത്സനെ ഡയാലിസിസിന് കൊണ്ടുപോകേണ്ട അവസ്ഥയാണ്. ബന്ധുക്കളും മറ്റുള്ളവരും കഴിയാവുന്ന രീതിയില് സഹായിക്കുന്നുണ്ടെങ്കിലും ഇതൊന്നും വത്സന്റെ ചികിത്സക്കായി തികയാതെ വരുന്നു. ഇന്ദിരാഗാന്ധി ആവാസ് യോജന പദ്ധതിയുടെ സഹായമായി ലഭിച്ച തുകകൊണ്ട് നിര്മ്മാണമാരംഭിച്ച വത്സന്റെ കൊച്ചുവീടാകട്ടെ പണി പൂര്ത്തിയാകാതെ പാതിവഴിയിലാണ്. മഴപെയ്താല് മഴവെള്ളം മേല്പ്പുരയില്നിന്നും മുറിയിലേക്ക് ഒഴുകിയിറങ്ങുന്ന വീട്ടിലാണ് രോഗിയായ വത്സനും കുടുംബവും കഴിയുന്നത്. വത്സന്റെയും കുടുംബത്തിന്റേയും കഷ്ടതയെക്കുറിച്ചറിഞ്ഞ സ്ഥലത്തെ ആര്ട് ഓഫ് ലിവിങ് പ്രവര്ത്തകരും നാട്ടുകാരും സാന്ത്വന പ്രവര്ത്തനവുമായി രംഗത്തെത്തി.
വത്സന്റെ ചികിത്സക്കും മക്കളുടെ തുടര്വിദ്യാഭ്യാസത്തിനും ഭവനനിര്മ്മാണപൂര്ത്തീകരണത്തിനും പുറമെ സ്ഥിര നിക്ഷേപമായി നല്ലൊരു തുക കുടുംബത്തിന്റെ പേരില് ബാങ്കില് നിക്ഷേപിക്കാനുമായി പത്തു ലക്ഷം രൂപ സമാഹാരിക്കാനാണ് ശ്രീദര്ശന് ആര്ട് ഓഫ് ലിവിങ് കേന്ദ്ര ലക്ഷ്യമിടുന്നതെന്ന് ആര്ട് ഓഫ് ലിവിങ് സ്റ്റേറ്റ് മീഡിയ കോര്ഡിനേറ്റര് ദിവാകരന് ചോമ്പാല അറിയിച്ചു.
വത്സന്റെയും ഭാര്യ പുഷ്പവല്ലിയുടെയും പേരില് കേരള ഗ്രാമീണ ബാങ്കിന്റെ അഴിയൂര് ബ്രാഞ്ചില് അക്കൗണ്ട് ആരംഭിച്ചു. അ / ര ചീ 40683 10102 4229. (കഎടഇ ഇീറല .ഗഘഏആ 0040683) കേരള ഗ്രാമീണ് ബാങ്ക് അഴിയൂര് 673309. കോഴിക്കോട്. ആര്ട് ഓഫ് ലിവിങ് കുടുംബാംഗങ്ങള്, മറ്റു വ്യക്തികള്, സംഘടനകള്, റെസിഡന്സ് അസോസിയേഷനുകള് തുടങ്ങിയവരില് നിന്നും സഹായിക്കാന് സന്മനസ്സുള്ളവര് അക്കൗണ്ടിലേക്ക് സാമ്പത്തിക സഹായമെത്തിക്കാന് ആര്ട് ഓഫ് ലിവിങ് സാന്ത്വനകൂട്ടായ്മ ക്കു വേണ്ടി ദിവാകരന് ചോമ്പാല അഭ്യര്ത്ഥിച്ചു. എം.വി. ജയപ്രകാശ്, കെ.ലീല, കെ.കെ.കുഞ്ഞികൃഷ്ണന് മാസ്റ്റര്, രതീഷ് നിലാതിയില്, നാണു പറമ്പത്ത്, ശ്രീജേഷ് കേളോത്ത് തുടങ്ങിയ ആര്ട്ട് ഓഫ് ലിവിങ് പ്രവര്ത്തകരുടെ നേതൃത്വത്തിലാണ് സാന്ത്വന കൂട്ടായ്മ പ്രവര്ത്തിക്കുന്നത്.
