മട്ടന്നൂര്‍: ഇല്ലായ്മകളോട് പടപൊരുതി പ്ലസ് ടുവില്‍ അഭിമാനാര്‍ഹമായ വിജയം നേടി നാടിന്റെയാകെ അഭിനന്ദനങ്ങളേറ്റുവാങ്ങിയ മലൂര്‍ നിട്ടാറമ്പ് ലക്ഷം വീട് കോളനിയിലെ റഫ്‌സീന (17) യുടെ മരണത്തിലെ ദുരൂഹത നീങ്ങുന്നില്ല. ബുധനാഴ്ചയാണ് റഫ്‌സീനയെ വീട്ടില്‍ തൂങ്ങി മരിച്ച നിലയില്‍ കണ്ടെത്തിയത്. നിങ്ങള്‍ എല്ലാവരും ഞാന്‍ പറഞ്ഞത് കേട്ടില്ലല്ലോ… എന്റെ ലൈഫ് എനിക്കുള്ളതാണ്. തുടങ്ങി അഞ്ചു വരികളാണ് റഫ്‌സീനയുടെ ആത്മഹത്യാ കുറിപ്പില്‍ കണ്ടെത്തിയത്. ഇതില്‍ നിന്നും മരണകാരണം വ്യക്തമാകുന്നില്ല. മരണം സംബന്ധിച്ച് അന്വേഷണം നടത്തുന്ന മാലൂര്‍ എസ്.ഐ ടി.അശോകന്റെ നേതൃത്വത്തിലുള്ള സംഘം റഫ്‌സീനയുടെ മൊബൈല്‍ ഫോണും പോലീസ് പരിശോധനയ്‌ക്ക് വിധേയമാക്കുന്നുണ്ട്. ഒറ്റമുറി വീട്ടിലെ പരിമിതിക്കുള്ളില്‍ നിന്ന് പ്രാരാബ്ദങ്ങളോട് പടപൊരുതിയാണ് സ്വപ്രയത്‌നത്തിലൂടെ ശിവപുരം ഹയര്‍ സെക്കന്ററി സ്‌കൂള്‍ വിദ്യാര്‍ത്ഥിനിയായ റഫ്‌സീന പഠനത്തില്‍ മുന്നേറിയത്. എസ്എസ്എല്‍സിക്ക് എല്ലാ വിഷയത്തിലും എപ്ലസ് നേടി എവരുടേയും പ്രശംസ നേടിയിരുന്നു. എന്നാല്‍ പ്ലസ്ടു വില്‍ 1200 ല്‍ 1186 മാര്‍ക്ക് നേടിയാണ് റഫ്‌സീന വിജയതിലകമണിഞ്ഞത്. ഇല്ലായ്‌മയില്‍ നിന്നും മികച്ച വിജയം നേടിയ റഫ്‌സീനയുടെ ദുരിത കഥകള്‍ സമൂഹ മാധ്യമങ്ങളിലടക്കം സ്ഥാനം നേടിയിരുന്നു. ഡോക്ടറാകണമെന്നതായിരുന്നു ഈ മിടുക്കിയുടെ ആഗ്രഹം സാമ്പത്തിക പിന്നോക്കാവസ്ഥ പഠനത്തിന് വിഘാതമായേക്കാമെന്ന് റഫ്‌സീന ചിന്തിച്ചിരിക്കാമെന്നാണ് നാട്ടുകാര്‍ പറയുന്നത്. മാതാവ് റഹ്മത്ത് കൂലിപ്പണി ചെയ്താണ് കുടുംബം പുലര്‍ത്തുന്നത്. സഹോദരന്‍ മഹ്‌റൂഫ് ബംഗളൂരുവില്‍ ജോലി ചെയ്യുകയാണ്. സഹോദരി മന്‍ സീന തിരുവനന്തപുരത്ത് ബി ഫാമിനു പഠിക്കുകയാണ്.പരിയാരം മെഡിക്കല്‍ കോളജില്‍ നിന്നും പോസ്റ്റ്‌മോര്‍ട്ടം ചെയ്ത മൃതദേഹം വീട്ടിലെത്തിച്ചപ്പോള്‍ നാടിന്റെ നാനാഭാഗത്തു നിന്നും നൂറുകണക്കി നാളുകളാണ് കൊച്ചു മിടുക്കിക്ക് അന്തിമോപചാരം അര്‍പ്പിക്കാനായെത്തിയത്.
ഇല്ലായ്മകളോട് പടപൊരുതി പ്ലസ് ടുവില്‍ അഭിമാനാര്‍ഹമായ റഫ്‌സീനയുടെ മരണത്തിലെ ദുരൂഹത നീങ്ങുന്നില്ല
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.