മട്ടന്നൂര്‍: രാഷ്‌ട്രീയപ്പാര്‍ട്ടികളും മറ്റും ഹര്‍ത്താല്‍ നടത്തുന്നത് മൂലം കൂടുതല്‍ പ്രയാസപ്പെടുന്നത് വ്യാപാരികളാണെന്നും അനാവശ്യ ഹര്‍ത്താലുകളില്‍ നിന്നും മറ്റും മാറി നില്‍ക്കണമേന്നും വ്യാപാരി വ്യവസായി ഏകോപന സമിതി പുന്നാട് യൂണിറ്റ് സമ്മേളനം ആവശ്യപ്പെട്ടു.
പ്ലാസ്റ്റിക്കിന്റെ പേരില്‍ അധികൃതര്‍ കച്ചവടക്കാരെ ബുദ്ധിമുട്ടിക്കരുതെന്നും ഹരിത കേരളത്തിന്റെ ഭാഗമായുള്ള പരിസ്ഥിതി സൗഹ്യദ പ്രവര്‍ത്തനങ്ങള്‍ക്ക് എല്ലാ പിന്തുണയും നല്‍കുമെന്നും യോഗം വിശദീകരിച്ചു. പുന്നാട് വ്യാപാര ഭവനില്‍ നടന്ന
സമ്മേളനം ജില്ലാ സെക്രട്ടറി എ.സുധാകരന്‍ ഉദ്ഘാടനം ചെയ്തു.യൂണിറ്റ് പ്രസിഡന്റ് പി.വി.ഗംഗാധരന്‍ നമ്പ്യാര്‍ അധ്യക്ഷത വഹിച്ചു. മുസ്ഥഫ ദാവാരി, എ.സുരേന്ദ്രന്‍, കെ.പ. ലക്ഷ്മണന്‍, സി.അബ്ദുറഹ്മാന്‍ സംബന്ധിച്ചു. പുതിയ ഭാരവാഹികളായി പി.വി.ഗംഗാധരന്‍ നമ്പ്യാര്‍ (പ്രസിഡന്റ്), സി.അബ്ദുറഹ്മാന്‍ (ജനറല്‍ സെക്രട്ടറി), എ.സുരേന്ദ്രന്‍ (ട്രഷറര്‍) കെ പി.ലക്ഷ്മണന്‍, കെ.സി.പ്രകാശന്‍ (വൈസ് പ്രസിഡന്റുമാര്‍), ആര്‍.ടി.ചന്ദ്രന്‍, എം.പി.രതീശന്‍ (ജോയന്റ് സെക്രട്ടറിമാര്‍) എന്നിവരെ തെരഞ്ഞെടുത്തു
