ചേര്ത്തല: നഗരത്തിലെ ഹോട്ടലുകളിലേയും ചായക്കടകളിലേയും തൊഴിലാളികള്ക്ക് ആരോഗ്യ പരിശോധന നടത്തി ഹെല്ത്ത് കാര്ഡും വിതരണം ചെയ്യാന് നഗരസഭ അധികൃതരുടെയും ഹോട്ടല് ഉടമകളുടെയും യോഗം തീരുമാനിച്ചു. ഇതിന്റെ ഭാഗമായി 22, 23 തീയതികളില് തൊഴിലാളികള്ക്ക് ആരോഗ്യ പരിശോധനയും ഹെല് കാര്ഡും വിതരണവും നടക്കും.
പാചക, വിതരണ തൊഴിലാളികള് ജോലി സമയങ്ങളില് തലയില് തൊപ്പി ധരിക്കുക, പഴകിയ ഭക്ഷണ പദാര്ത്ഥങ്ങള് കടയില് സൂക്ഷിക്കാതിരിക്കുക, ത്വക്ക് രോഗമുള്ളവരെ പാചകത്തിലും വിതരണത്തിലും നിന്ന് കര്ശനമായി ഒഴിവാക്കുക, മലിനജല സംസ്കരണം, ബയോഗ്യാസ് പ്ലാന്റുകള് സ്ഥാപിച്ച് പഴകിയ ഭക്ഷണ പദാര്ഥങ്ങള് നിക്ഷേപിക്കുക എന്നി നിര്ദേശങ്ങള് നടപ്പാക്കാനും യോഗം തീരുമാനിച്ചു.
സില്വര്, പ്ലാസ്റ്റിക് പോപ്പറുകളില് ഭക്ഷണ പദാര്ത്ഥങ്ങള് പൊതിഞ്ഞ് നല്കുന്നത് ഒഴിവാക്കി ഗ്രീന് പ്രോട്ടോകോള് പാലിക്കണമെന്നും യോഗം നിര്ദേശിച്ചു.
ചെയര്മാന് ഐസക് മാടവന അദ്ധ്യക്ഷത വഹിച്ചു. വി.ടി. ജോസഫ്, സെക്രട്ടറി ജെ. മുഹമ്മദ് ഷാഫി, ഹെല്ത്ത് സൂപ്പര്വൈസര് എ. ജയലത, ഇന്സ്പെക്ടര് എം. ഹബീബ് എന്നിവര് പ്രസംഗിച്ചു.
