മട്ടന്നൂര്: മട്ടന്നൂര് നഗരസഭയിലെ ഉപതെരഞ്ഞെടുപ്പു നടക്കുന്ന ഉരുവച്ചാല് വാര്ഡിലേക്ക് എല്ഡിഎഫ്, യുഡിഎഫ്, ബിജെപി സ്ഥാര്ത്ഥികളുടെ പ്രചാരണം പുരോഗമിക്കവെ വാര്ഡില് ബിജെപി ശക്തമായ സാന്നിധ്യമാകുമെന്ന് ബിജെപി സ്ഥാനാര്ത്ഥി റീന മനോഹരന്.
കൗണ്സിലര് കോടഞ്ചേരി രാജന്റെ നിര്യാണത്തെ തുടര്ന്നാണ് ഇവിടെ ഉപതെരഞ്ഞെടുപ്പ് നടക്കുന്നത്. എല്ഡിഎഫ് സ്ഥാനാര്ത്ഥി എ.കെ.സുരേഷ് കുമാറും യുഡിഎഫ് സ്ഥാനാര്ത്ഥി കെ.കെ.അബ്ദുള് സലാമുമാണ്.
മട്ടന്നൂര് മീഡിയ ഫോറത്തില് നടന്ന സ്ഥാനാര്ത്ഥികളുടെ മുഖാമുഖത്തില് മൂന്ന് സ്ഥാനാര്ത്ഥികളും വിജയം അവകാശപ്പെട്ടു. കേന്ദ്രാവിഷ്കൃത ഫണ്ടുകള് വഴി വികസനം സാധ്യമാക്കുന്ന കേരളത്തില് കൂടുതല് വികസനമെത്തിക്കാന് പ്രയത്നിക്കുമെന്ന് ബിജെപി സ്ഥാനാര്ത്ഥി റീനാ മനോഹരന് പറഞ്ഞു. ചടങ്ങില് അനില് പയ്യമ്പള്ളി, സന്ദീപ് മട്ടന്നൂര്, ഒ.കെ. പ്രസാദ്, ഷിതിന് കതിരൂര്, കെ.കെ.കീറ്റുകണ്ടി, ബാവ മട്ടന്നൂര് എന്നിവര് സംസാരിച്ചു.
വാര്ഡില് ശക്തമായ പോരാട്ടത്തിനൊരുങ്ങുകയാണ് ബിജെപി സ്ഥാനാര്ത്ഥി. വാര്ഡില് എല്ലാമേഖലയിലും ബിജെപി വോട്ട് നേടുമെന്ന പ്രതീക്ഷയിലാണ് ബിജെപി കേന്ദ്രങ്ങള്. സെപ്റ്റംബറില് ഈ ഭരണസമിതിയുടെ കാലാവധി കഴിയാനിരിക്കേ ഉപതെരഞ്ഞെടുപ്പ് നടക്കുന്നത് തെരഞ്ഞെടുപ്പ് ഒരുക്കങ്ങള്ക്ക് ആവേശമുണ്ടാക്കുമെന്നാണ് രാഷ്ട്രീയ നേതാക്കളുടെ അഭിപ്രായം.
