പട്ടണക്കാട്: ബ്രാഞ്ച് സെക്രട്ടറി നിയമനത്തെ ചൊല്ലി സിപിഎമ്മില് തമ്മില്തല്ല്. അംഗത്വം പുതുക്കാതെ ഒരു വിഭാഗം. വെട്ടയ്ക്കല് ലോക്കല് കമ്മിറ്റിക്ക് കീഴിലെ കടപ്പുറം തെക്ക് ബ്രാഞ്ച് സെക്രട്ടറി നിയമനത്തെ ചൊല്ലിയാണ് വിവാദം ഉടലെടുത്തത്.
അംഗ ബ്രാഞ്ച് കമ്മിറ്റിയിലെ എട്ട് പേരാണ് അംഗത്വം പുതുക്കാതെ പാര്ട്ടി പ്രവര്ത്തനങ്ങളില് നിന്ന് വിട്ടുനില്ക്കുന്നത്. കഴിഞ്ഞ പാര്ട്ടി സമ്മേളനത്തില് തെരഞ്ഞെടുത്ത സെക്രട്ടറി അവധിയില് പ്രവേശിച്ചതിനെ തുടര്ന്ന് ലോക്കല് കമ്മിറ്റി അംഗത്തിന് പകരം ചുമതല നല്കിയതാണ് ഒരു വിഭാഗത്തെ ചൊടിപ്പിച്ചത്.
ബ്രാഞ്ചിലെ അംഗത്തെ ഒഴിവാക്കിയത് വിഭാഗീയതയുടെ ഭാഗമാണെന്നാണ് പ്രതിഷേധക്കാരുടെ വാദം. മാനദണ്ഡങ്ങള് പാലിക്കാതെ തീരുമാനങ്ങള് അടിച്ചേല്പ്പിക്കുന്ന തരത്തിലാണ് പ്രാദേശീക നേതൃത്വത്തിന്റെ പ്രവര്ത്തനമെന്നും അവര് കുറ്റപ്പെടുത്തി.
പാര്ട്ടി സമ്മേളനത്തെ തുടര്ന്ന് ഉടലെടുത്ത വിഭാഗീയത വര്ഷങ്ങള് പിന്നിട്ടിട്ടും പരിഹരിക്കാന് കഴിയാത്തത് നേതാക്കളില് ചിലരുടെ ഏകപക്ഷീയ നിലപാടുകള് മൂലമാണെന്നും വിമര്ശനമുണ്ട്. ഇതിനെതിരെ ഒരു വിഭാഗം സംസ്ഥാന, ജില്ലാ നേതൃത്വത്തിന് പരാതി നല്കിയിട്ടുണ്ട്.
