കോഴിക്കോട്: കാലിക്കറ്റ് സര്വകലാശാല ഇന്റര്സോണ് കലോത്സവം തുടങ്ങി. കോഴിക്കോട് മലബാര് ക്രിസ്ത്യന് കോളേജ്, ഐഎച്ച്ആര്ഡി കോളേജ് എന്നിവിടങ്ങളിലായി നടക്കുന്ന കലോത്സവത്തിന്റെ സ്റ്റേജിതര മത്സരങ്ങള്ക്കാണ് തുടക്കമായത്. കെ.പി. രാമനുണ്ണി ഉദ്ഘാടനം ചെയ്തു. യൂണിവേഴ്സിറ്റി യൂണിയന് ജനറല്സെക്രട്ടറി എ.എന്. നീരജ് അദ്ധ്യക്ഷത വഹിച്ചു. ഡോ.ഗോഡ്വിന് സാമ്രാജ്, ഡോ.എന്.എം സണ്ണി, എ.കെ. ബിജിത്ത്, സ്വാഗതസംഘം കണ്വീനര് ലിന്റോ ജോസഫ്, യൂണിവേഴ്സിറ്റി യൂണിയന് വൈസ്ചെയര്മാന് അജയ്ലാല് തുടങ്ങിയവര് സംസാരിച്ചു.
കഥാരചന മലയാളം, അറബി,സംസ്കൃതം, ഉറുദു, തമിഴ്, ഇംഗ്ഗീഷ്, ഹിന്ദി, കവിതാരചന മലയാളം, അറബി,സംസ്കൃതം, ഉറുദു, തമിഴ്, ഇംഗ്ഗീഷ്, ഹിന്ദി, പെന്സില് ഡ്രോയിംഗ്, പോസ്റ്റര് മേക്കിംഗ്, കാര്ട്ടൂണ് രചന, കൊളാഷ്, ഉപന്യാസ രചന തുടങ്ങി ഇരുപത്തഞ്ചു മത്സരങ്ങളില് വിദ്യാര്ത്ഥികള് മാറ്റുരച്ചു. പ്രസംഗ മത്സരം മലയാളം, അറബി, സംസ്കൃതം, ഉറുദു, തമിഴ്, ഇംഗ്ഗീഷ്, ഹിന്ദി, ജലഛായം, രംഗോലി, എംപ്രോയഡറി, ഓയില് കളര്, സ്പോട്ട് ഫോട്ടോഗ്രഫി, പൂക്കളം, ക്ലേ മോഡലിങ്ങ്, ഡിബേറ്റ്, ക്വിസ് തുടങ്ങിയ മത്സരങ്ങള് ഇന്ന് നടക്കും. 10 ന് സ്സേജ് മത്സരങ്ങള് ആരംഭിക്കും. വൈകീട്ട് നാലിന് ടി. പത്മനാഭന് സ്റ്റേജ് മത്സരങ്ങളുടെ ഉദ്ഘാടനം നിര്വഹിക്കും.
