ഇട്ടി അച്യുതന്റെ കടക്കരപ്പള്ളിയിലെ വീട് ബിജെപി ജില്ലാ പ്രസിഡന്റ് കെ. സോമന് സന്ദര്ശിക്കുന്നു
ചേര്ത്തല: കാലപ്പഴക്കത്താല് തകര്ന്ന ഇട്ടി അച്യുതന്റെ ജന്മഗൃഹം ബിജെപി ജില്ലാ പ്രസിഡന്റ് കെ. സോമന് സന്ദര്ശിച്ചു. 350 വര്ഷത്തോളം പഴക്കമുള്ള കടക്കരപ്പള്ളി പഞ്ചായത്ത് പത്താം വാര്ഡിലെ കുടകുത്താംപറമ്പ് വീട് കഴിഞ്ഞദിവസം നിലംപൊത്തുകയായിരുന്നു.
പുതുലമുറക്ക് അറിവ് പകര്ന്ന് നല്കേണ്ട സ്മാരകത്തോടുള്ള സര്ക്കാര് അവഗണനയാണ് വീടിന്റെ തകര്ച്ചയ്ക്ക കാരണമായതെന്ന് അദ്ദേഹം ആരോപിച്ചു. അധികാരികളില് നിന്ന് അനുകൂലമായ സമീപനമുണ്ടായാല് കുര്യാലയുള്പ്പെടുന്ന വീടും പ്രദേശവും സംരക്ഷിക്കുന്നതിനായി കേന്ദ്രഫണ്ട് ലഭ്യമാക്കുന്നതിനുള്ള സാധ്യതകള് പരിശോധിക്കും.
ജില്ലാ സെക്രട്ടറി ടി. സജീവ്ലാല്, മഹേഷ്, അഭിലാഷ് മാപ്പറമ്പില് എന്നിവരും അദ്ദേഹത്തോടൊപ്പം ഉണ്ടായിരുന്നു.
