സത്രവേദിയില് പ്രഭാഷണം കേള്ക്കാനെത്തിയ ഭക്തജനങ്ങളുടെ തിരക്ക്
അമ്പലപ്പുഴ: സമൂഹത്തെ നിലനിര്ത്തുന്നത് ഗൃഹസ്ഥാശ്രമികളാണെന്ന് രുഗ്മിണീസ്വയംവരം എന്ന വിഷയത്തില് കണ്ടമംഗലം നന്ദകുമാര് പറഞ്ഞു. ബ്രഹ്മചാരിക്കും സംന്യാസിക്കും ജന്മം നല്കിയത് ഗൃഹസ്ഥാശ്രമിയായിരുന്നു. സത്സന്താനം ഉണ്ടാകുക എന്നതാണ് വിവാഹത്തിന്റെ പ്രത്യേകത.
മനുഷ്യകുലം ധര്മ്മനിഷ്ഠയോടെ നില്നില്ക്കാന് സത്സന്താനങ്ങളുണ്ടാകണം. ഭഗവാന്റെ വിവാഹസമയം ശുകബ്രഹ്മര്ഷി ശിവപാര്വ്വതിമാരുടെ ദാമ്പത്യമാണ് ഉപദേശിച്ചത്. വാക്കും അര്ത്ഥവും തമ്മില് വേര്പെടാത്തതുപോലെയായിരുന്നു ശിവപാര്വ്വതിമാരുടെ ബന്ധം. ഇതിനെ അനുികരിച്ചായിരുന്നു പഴയകാലത്തെ ദാമ്പത്യവും. എന്നാല് ഇന്ന് ഇതിനൊക്കെ കോട്ടം സംഭവിച്ചു കഴിഞ്ഞു.
സ്വാമി ആത്മസ്വരൂപാനന്ദ
പ്രഭാഷണം നടത്തുന്നു
മനുഷ്യനെ സൃഷ്ടിച്ചത് ബ്രഹ്മത്തെ അവലോകനം ചെയ്യാനാണെന്ന് മുചുകുന്ദസ്തുതിയില് സ്വാമി ആത്മസ്വരൂപാനന്ദ പറഞ്ഞു. നിരവധി ജന്മങ്ങള്ക്കുശേഷമാണ് മനുഷ്യജന്മം ലഭിക്കുന്നത്. എന്നാല് എന്റെ ശരീരം എന്ന അഹന്തയോടെയാണ് മനുഷ്യന്റെ ജീവിതം. ശരീരം പൂജിക്കപ്പെടാനുള്ളതല്ല.
ഇവിടെ നാമവും രൂപവും ഇല്ലാതാകുമെന്ന തിരിച്ചറിവ് മനുഷ്യന്അറിയുന്നില്ല. ഒരുകാലത്ത് അറിവില് ആനന്ദിച്ചിരുന്നവരായിരുന്നു ഭാരതീയര്. ഭാസ് എന്നാല് അറിവും രമതെ എന്നാല് ആനന്ദിക്കുക എന്നുമാണ്. ഭാസിരമതെ എന്ന വാക്കില് നിന്നുമാണ് ഭാരതം ഉണ്ടായത്.
ഇക്കാരണത്താല് തന്നെ ഭരതന്റെ രാജ്യം ഭരിക്കുന്നതിനുമുമ്പേ ഭാരതം എന്നുതന്നെയായിരുന്നു. ഇത്രയെറെ അറിവുണ്ടായിരുന്ന നാട്ടിലാണ് ഇന്ന് ഭഗവാനെ മറന്നു ജീവിക്കുന്നതെന്നും അദ്ദേഹം പറഞ്ഞു.
ഭാഗവത സത്രവേദിയല് ഡോ. അമ്പലപ്പുഴഗോപകുമാര്
പ്രഭാഷണം നടത്തുന്നു
ഭഗവാന് അര്ജ്ജുനന് നല്കിയവിഗ്രഹമാണ് അമ്പലപ്പുഴ ക്ഷേത്രത്തിലുള്ളതെന്ന് ഡോ. അമ്പലപ്പുഴ ഗോപകുമാര് പറഞ്ഞു. ഭാഗവത സത്രത്തില് നടന്നുവരുന്ന പ്രഭാഷണത്തിലാണ് അദ്ദേഹം ഇത് പറഞ്ഞത്.
ഭഗവാന് അര്ജ്ജുനന് മൂന്നു വിഗ്രഹങ്ങള് നല്കിയതില് ഒന്ന് ഗുരുവായൂരും രണ്ട് തൃപ്പൂണിത്തുറ പൂര്ണ്ണത്രയീശക്ഷേത്രത്തിലും മറ്റൊന്ന് എരുമേലിയിലും പ്രതിഷ്ഠിച്ചു. എരുമേലി കൊള്ളക്കാര് കയ്യടക്കിയപ്പോള് ഇത് കുറിച്ചിയിലെ കരിംകുളം ക്ഷേത്രത്തില് പ്രത്ഷ്ഠിക്കുകയായിരുന്നു.
ഇവിടെ നിന്നുമാണ് സാക്ഷാല് പാര്ത്ഥസാരഥി വിഗ്രഹം അമ്പലപ്പുഴയ്ക്കു ലഭിച്ചത്. ഇതിനുശേഷമായിരുന്നു അമ്പലപ്പുഴ രാജ്യത്തിന്റെ വളര്ച്ചയും. കേരളത്തിലെ ജലമേളകളുടെ തുടക്കംതന്നെ അമ്പലപ്പുഴയില് നിന്നുമായിരുന്നുവെന്നും അദ്ദേഹം പറഞ്ഞു.
