കണ്ണൂര്: വിഷു ഉത്സവത്തിന് മുന്പ് കാലങ്ങളായി നല്കിവരുന്ന കസ്റ്റമറി ബോണസ്സ് അനുവദിക്കുക, വര്ധിപ്പിച്ച ഡിഎ കുടിശ്ശിക സഹിതം നല്കുക തുടങ്ങിയ ആവശ്യങ്ങളുന്നയിച്ച് കണ്ണൂര് ജില്ലയിലെ സ്വകാര്യ ബസ്സ് തൊഴിലാളികള് ഇന്ന് അര്ദ്ധരാത്രി മുതല് പണിമുടക്കും. ബിഎംഎസ്, സിഐടിയു, ഐഎന്ടിയുസി, എഐടിയുസി, എസ്ടിയു എന്നീ തൊഴിലാളി സംഘടനളുടെ നേതൃത്വത്തിലാണ് പണിമുടക്ക് നടക്കുന്നത്. 2015 ല് പാര്ലമെന്റ് പാസ്സാക്കിയ ബോണസ് ആക്ടിന്റെ ഭേദഗതിയനുസരിച്ച് ബോണസ് അര്ഹത ശമ്പള പരിധി 3500 ല് നിന്ന് 7000 ആക്കി ഉയര്ത്തുകയും 21,000 രൂപവരെ ശമ്പളം ലഭിക്കുന്നവര്ക്ക് ബോണസ്സിന് അര്ഹതയുണ്ടെന്നും വ്യക്തമാക്കിയിട്ടുണ്ട്. എന്നാല് ഇതനുസരിച്ചുള്ള ബോണസ്സ് കരാര് ഒപ്പിടാനോ വര്ദ്ധിപ്പിച്ച ഡിഎ കുടിശ്ശിക നല്കാനോ തയ്യാറാകുന്നില്ല. തൊഴിലാളികള് നേരത്തെ തന്നെ നിയമാനുസൃതമുള്ള നോട്ടീസ് നല്കിയിരുന്നു. എന്നാല് ജില്ലാ ലേബര് ഓഫീസര്, ജോയിന്റ് ലേബര് കമ്മീഷണര് എന്നിവരുമായി നടത്തിയ ചര്ച്ചയില് പ്രശ്നപരിഹാരമാകാത്ത സാഹചര്യത്തിലാണ് തൊഴിലാളികള് സമരവുമായി മുന്നോട്ട് പോകുന്നത്.
കണ്ണൂര് ജില്ലയിലെ ബസ്സ് തൊഴിലാളികള് ഇന്ന് അര്ദ്ധരാത്രിമുതല് പണിമുടക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.