പാലാ: കുറ്റവാളികളെ പൊതുജനങ്ങള്ക്ക് തിരിച്ചറിയുന്നതിന് സഹായകരമാകുന്ന പോലീസിന്റെ ഗുണ്ടാവണ്ടി പാലായില് പര്യടനം തുടങ്ങി. പാലാ സബ് ഡിവിഷന്റെ പരിധിയിലുള്ള കുറ്റവാളികളുടെ ചിത്രം, വിവരങ്ങള് എന്നിവയടങ്ങിയ വീഡിയോ പ്രദര്ശനമാണുള്ളത്. കുറ്റവാളികളെ സംബന്ധിക്കുന്ന സമഗ്രവിവരങ്ങള് ജനങ്ങള്ക്ക് കൈമാറുവാനാണ് പ്രദര്ശനം നടത്തുന്നത്
പാലാ സബ്ഡിവിഷന് പരിധിയിലുള്ള പോലീസ് സ്റ്റേഷനുകളില് എല്ലാ വ്യാഴാഴ്ചയും പ്രദര്ശനമുണ്ടാകും. പാലാ സബ് ഡിവിഷന്റെ പരിധിയില് മൂന്ന് കേസുകളില് പ്രതിയായി കെ.ഡി. ലിസ്റ്റില് ഉള്പ്പെട്ട 24 പേര്, കൊടുംകുറ്റവാളികള് 20 പേര് ഉള്പ്പടെ വിവിധ സബ് ഡിവിഷനുകളില് കുറ്റകൃത്യം നടത്തിയവര്, ലഹരി, പകര്പ്പാവകാശ നിയമം എന്നീ കേസുകളില് ഉള്പ്പെട്ട 113 ആളുകള് എന്നിങ്ങനെ മൂന്ന് ഗ്രൂപ്പുകളായി തിരിച്ചാണ് പ്രദര്ശനം നടത്തുന്നത്.
ഇതോടൊപ്പം പര്യടന ബസില് വാഹനഗതാഗത നിയമലംഘനം സംബന്ധിച്ചും പ്രദര്ശനവുമുണ്ട്. പൊതുജനങ്ങള്ക്ക് വാഹനത്തിനുള്ളില് കയറി പ്രദര്ശനം കാണാവുന്നതാണ്.ഗുണ്ടാ ഓപ്പറേഷന് പദ്ധതിയുടെ ഭാഗമായാണ് ജില്ലയില് ഗുണ്ടാവണ്ടി പര്യടനം നടത്തുന്നത്.
