കോഴിക്കോട്: പൊതുമേഖലാ ആശുപത്രികള് സ്വകാര്യമേഖലയ്ക്ക് മാതൃകയാകുകയെന്നതാണ് ആരോഗ്യ രംഗത്തെ ആരോഗ്യകരമായ രീതിയെന്ന് മലയാളം സര്വ്വകലാശാല വൈസ് ചാന്സിലര് കെ. ജയകുമാര്. കാലിക്കറ്റ് സിറ്റി സര്വ്വീസ് കോ-ഓപ്പറേറ്റീവ് ബാങ്ക് ആരംഭിച്ച ”കാന്സര് പരിരക്ഷക്കൊരു സഹകരണ സ്പര്ശം” സിറ്റി കെയര് ഡെപ്പോസിറ്റ് പദ്ധതിയുടെ ഉദ്ഘാടനം നിര്വ്വഹിച്ച് സംസാരിക്കുകയായിരുന്നു അദ്ദേഹം.
പൊതുമേഖലയിലെ സൗ കര്യങ്ങള് സ്വകാര്യമേഖലയില് ലഭ്യമാക്കാന് ശ്രദ്ധിക്കണം. ഇത് തിരിച്ച് സംഭവിക്കുമ്പോള് പാവപ്പെട്ടവര്ക്ക് നല്ല ചികിത്സ ലഭിക്കാതെ വരുന്ന അവസ്ഥ ഉണ്ടാകുമെന്നും അദ്ദേഹം പറഞ്ഞു.
കാലിക്കറ്റ് സിറ്റി സര്വ്വീസ് സഹകരണ ബാങ്ക് ചെയര്മാന് സി.എന്. വിജയകൃഷ്ണന് അദ്ധ്യക്ഷത വഹിച്ചു. ബാങ്ക് അസിസ്റ്റന്റ് ജനറല് മാനേജര് റെജില പദ്ധതിയെക്കുറിച്ച് വിശദീകരിച്ചു. ഡോ. എന്. നാരായണന്കുട്ടി വാര്യര് കാന്സര് ബോധവല്ക്കരണ പ്രഭാഷണം നടത്തി. പി. ദാമോദരന്, കെ.വി. സുരേഷ് ബാബു, കെ.പി. രാമചന്ദ്രന്, സാജു ജെയിംസ്, കെ.രാഗേഷ് എന്നിവര് സംസാരിച്ചു.
