ഗ്രാമോത്സവം 2017ന് തുടക്കമായി

പാനൂര്‍: എലാങ്കോട് സാന്ത്വനസ്പര്‍ശം സാംസ്‌ക്കാരിക വേദി സംഘടിപ്പിക്കുന്ന ഗ്രാമോത്സവം 2017ന് തുടക്കമായി. ഇന്നലെ നടന്ന ചലച്ചിത്രോത്സവം സംവിധായകന്‍ ടി.ദീപേഷ് ഉദ്ഘാടനം ചെയ്തു. വിവിധഭാഷകളിലുളള ചലച്ചിത്രങ്ങള്‍ പ്രദര്‍ശിപ്പിക്കും. 21ന് ചലച്ചിത്രോത്സവം സമാപിക്കും.22ന് 4മണിക്ക് പാലത്തായി അരയാല്‍ത്തറ പരിസരത്ത് നിന്നും ഘോഷയാത്ര ആരംഭിക്കും. 6ന് ഗ്രാമോത്സവം ഉദ്ഘാടനം മന്ത്രി കെകെ.ശൈലജ നിര്‍വ്വഹിക്കും. നഗരസഭ അദ്ധ്യക്ഷ കെവി.റംല അദ്ധ്യക്ഷത വഹിക്കും. 7മണിക്ക് ഉത്തരമേഖല വോളിബോള്‍ ടൂര്‍ണ്ണമെന്റ് ഡിവൈഎസ്പി പ്രിന്‍സ് എബ്രഹാം ഉദ്ഘാടനം ചെയ്യും. 23ന് രാവിലെ 10ന് ചെസ്സ് മത്സരം. വൈകിട്ട് 3ന് വിവിധ മത്സരങ്ങള്‍. 24ന് രാവിലെ 10ന് പാചക മത്സരങ്ങള്‍.3ന് മൈലാഞ്ചിയിടല്‍ മത്സരം. 6ന് വോളിബോള്‍ ടൂര്‍ണ്ണമെന്റ് സമാപനം.പാനൂര്‍ സിഐ.കെഎസ്.ഷാജി സമ്മാനദാനം നിര്‍വ്വഹിക്കും. 25ന് വൈകിട്ട് 3ന് കമ്പവലി മത്സരം. 5ന് കലാവിരുന്ന്. 6ന് സാംസ്‌ക്കാരിക സായാഹ്നം.7ന് താവം ഗ്രാമവേദി അവതരിപ്പിക്കുന്ന നാട്ടറിവ് പാട്ട്.8ന് കോമഡിഷോ.26ന്് 5.30ന് നടക്കുന്ന സമാപന പരിപാടി മുന്‍മന്ത്രി കെപി.മോഹനന്‍ ഉദ്ഘാടനം ചെയ്യും. ടി.മുകുന്ദന്‍ മാസ്റ്റര്‍ അദ്ധ്യക്ഷത വഹിക്കും. 7ന് കലാവിരുന്ന്. 8ന് മെഗാ മ്യൂസിക് നൈറ്റ്. വിപണനമേള, അമ്യൂസ്‌മെന്റ് പാര്‍ക്ക് എന്നിവ മഹോത്സവത്തിന്റെ ഭാഗമായി ഒരുക്കിയിട്ടുണ്ടെന്ന് പരിപാടികള്‍ വിശദീകരിച്ചു നടന്ന പത്രസമ്മേളനത്തില്‍ സംഘാടകര്‍ അറിയിച്ചു. യാക്കൂബ് എലാങ്കോട്, കെകെ.രാജീവന്‍ മാസ്റ്റര്‍, ടി.മുകുന്ദന്‍ മാസ്റ്റര്‍, പിപി.അബൂബക്കര്‍ എന്നിവര്‍ പങ്കെടുത്തു.