പൊയ്യ:വയോധികനായ പൊയ്യ തറയില് വറീത് പൊയ്യ കൃഷി ഭവനു മുന്നില് ഒറ്റയാള് സമരം നടത്തുന്നത് എല്ലാ കൃഷിക്കാര്ക്കും വേണ്ടി. പൊയ്യ പുളി പറമ്പിലുള്ള കൃഷിഭവന് ഓഫീസിനു മുന്നിലാണ് സമരം. ശബ്ദകോലഹലങ്ങളില്ലാത്ത നിശബ്ദസമരം മൂന്ന് ദിവസമായി തുടങ്ങിയിട്ട്.വര്ഷങ്ങളായി കൃഷിഭവനില് നടന്നു വരുന്ന അഴിമതിയും സ്വജനപക്ഷപാതവും ആനുകൂല്യങ്ങള് വീതം വയ്ക്കലും അന്വേഷിക്കുക, കൃഷിഭവന് വഴി കഴിഞ്ഞ 5കൊല്ലത്തില് നടത്തിയിട്ടുള്ള പദ്ധതികളെപറ്റിയും കൊടുത്ത ആനുകൂല്യങ്ങളെപറ്റിയും അന്വേഷിക്കുക എന്നിവയാണ് വറീതിന്റെ ആവശ്യങ്ങള്.
പൊയ്യ പഞ്ചായത്ത് പ്രസിഡണ്ടും കൃഷി ഓഫീസറും തമ്മിലുള്ള ഒത്തുകളി അവസാനിപ്പിക്കുക, കൃഷിക്കാരുടെ ആനുകൂല്യങ്ങള് തടഞ്ഞു വയ്ക്കുന്ന കൃഷി ഓഫീസര്ക്കെതിരെ നടപടി എടുക്കുക, കൃഷിഭവനില് കൂടുതല് ജീവനക്കാരെ നിയമിക്കുകയും അവര് കൃത്യസമയത്തുതന്നെ ഓഫീസില് എത്തുന്നതിന് നടപടിയും എടുക്കുക എന്നീ ആവശ്യങ്ങളും ഉന്നയിക്കുന്ന് വറീതിന്റെ സമരം രാവിലെ തുടങ്ങി വൈകിട്ട് അവസാനിക്കും.
