എടത്വാ: തലവടിയിലെ വിവിധ സ്ഥലങ്ങളില് അഞ്ചോളം വീടുകളില് മോഷണ പരമ്പര. ഇന്നലെ പുലര്ച്ചെ രണ്ട് മണിയോടെ പഞ്ചായത്തിലെ എട്ട്, ഒന്പത് വാര്ഡുകളിലെ വീടുകളിലാണ് കവര്ച്ച നടന്നത്. 20 പവനോളം സ്വര്ണ്ണം നഷ്ട്ടപ്പെട്ടതായാണ് വിവരം.
തലവടി പഞ്ചായത്ത് ഒമ്പതാം വാര്ഡ് പര്യാത്ത് ലീലാമ്മ, ജോസ് പര്യാത്ത്, ചെല്ലമ്മ ഈപ്പന് തൈക്കടയില്, ലിജി ഏബ്രഹാം, ആറുപറയില് ശിവന്, ചുടുകാട്ടില് ജോര്ജ്ജ് എന്നിവരുടെ വീടുകളിലാണ് മോഷണം നടന്നത്. സ്ത്രീകള് മാത്രമുള്ള വീടുകളിലായിരുന്നു മോഷണം. ഇതില് ചില വീടുകളില് സ്ത്രീകളുടെ കഴുത്തില് നിന്നാണ് മാല പൊട്ടിച്ചെടുത്തത്.
എടത്വാ പോലീസ് കേസെടുത്ത് അന്വേഷണം ആരംഭിച്ചു. അന്യസംസ്ഥാനക്കാരായിരിക്കും മോഷ്ടാക്കളെന്നാണ് കരുതുന്നത്. തലവടിയില് നേരത്തെയും വിവിധ ഭാഗങ്ങളില് ഇത്തരത്തില് മോഷണ പരമ്പര നടന്നിരുന്നെങ്കിലും പ്രതികളെ പിടികൂടാന് കഴിഞ്ഞിട്ടില്ല.
തുടര്ച്ചയായി മോഷണങ്ങള് അരങ്ങേറുന്നത് ജനങ്ങളെ ഭയപ്പാടിലാക്കിയിരിക്കുകയാണ്.
