ആലപ്പുഴ: ജില്ലാ കശുവണ്ടി വ്യവസായ മസ്ദൂര് സംഘ്(ബിഎംഎസ്) ജില്ലാ വാര്ഷികയോഗം തട്ടാരമ്പലം വീരശൈവ ഹാളില് ബിഎംഎസ് ജില്ലാ സെക്രട്ടറി സി.ജി. ഗോപകുമാര് ഉദ്ഘാടനം ചെയ്തു. പരമ്പരാഗത വ്യവസായമായ കശുവണ്ടി മേഖല ഇന്ന് ഗുരുതരമായ പ്രശ്നങ്ങളെ അഭിമുഖീകരിക്കുകയാണ്.
ഈ വ്യവസായത്തെ ആശ്രയിച്ചിരുന്ന തൊഴിലാളി കുടുംബങ്ങള് പട്ടിണിയിലാണ്. യുഡിഎഫ് ഭരണകാലത്ത് കശുവണ്ടി മേഖലയില് നടന്ന അഴിമതികള് നിയമത്തിനു മുന്നില് കൊണ്ടുവന്ന് കുറ്റക്കാരെ മാതൃകാപരമായി ശിക്ഷിക്കണം.
അടഞ്ഞു കിടക്കുന്ന ഫാക്ടറികള് തുറന്നുപ്രവര്ത്തിപ്പിക്കുമെന്ന് വാഗ്ദാനം ചെയ്ത് അധികാരത്തില് എത്തിയവര്ക്ക് ഒന്പതുമാസം കഴിഞ്ഞിട്ടും യാതൊരു നടപടിയും എടുക്കുവാന് സാധിച്ചില്ലെന്നും അദ്ദേഹം ഉദ്ഘാടന പ്രസംഗത്തില് പറഞ്ഞു.
യൂണിയന് ജില്ലാ പ്രസിഡന്റ് പി. ശ്രീകുമാര് അദ്ധ്യക്ഷത വഹിച്ചു. ജനറല് സെക്രട്ടറി സി. ഗോപകുമാര് സ്വാഗതവും ശാന്തജകുറുപ്പ് നന്ദിയും പറഞ്ഞു. ഭാരവാഹികളായി ജി. രാജീവ് മാവേലിക്കര (പ്രസിഡന്റ്), ജയകുമാര് കൈലാസ്, രാജമ്മ, പുഷ്പവല്ലി (വൈസ്സ് പ്രസിഡന്റുമാര്), സി. ഗോപകുമാര് (ജനറല് സെക്രട്ടറി), അജികുമാര് എരുവ, ഇന്ദിര, ഗീതാ സദാനന്ദന് (സെക്രട്ടറിമാര്), വി. ശാന്തജകുറുപ്പ് (ഖജാന്ജി) എന്നിവരെ തെരഞ്ഞെടുത്തു.
