ആലപ്പുഴ: മണ്സൂണ് കാലത്ത് പകര്ച്ചവ്യാധികള് പടര്ന്നു പിടിക്കാതിരിക്കുന്നതിനുള്ള പ്രതിരോധ പ്രവര്ത്തനങ്ങളുടെ ആസൂത്രണം ഈ മാസം ആരംഭിക്കും ഇതു സംബന്ധിച്ച് ജില്ലാതല ശില്പ്പശാല നടന്നു. 25,000 രൂപ ഓരോ വാര്ഡിനും അനുവദിക്കും. ഡിസ്പോസിബിള് ഫ്രീ മഴക്കാലപൂര്വ്വ കാമ്പയിന് എന്ന പേരിലാണ് ഇത്തവണ പരിപാടികള് സംഘടിപ്പിക്കുന്നത്.
വാര്ഡ് തലത്തില് ശുചിത്വസ്ക്വാഡുകള് രൂപീകരിക്കും. ആഴ്ചയില് ഒരു ദിവസം ഡ്രൈഡേ ആചരിക്കുക, കൊതുകുകളുടെ ഉറവിടങ്ങള് കണ്ടുപിടിച്ച് നശിപ്പിക്കുക, കുടിവെള്ള ശുചിത്വം പരിശോധിച്ച് വേണ്ട നിര്ദ്ദേശങ്ങള് നല്കുക, പാത്രങ്ങളിലും ടാങ്കുകളിലും ജലം സംഭരിച്ച് സൂക്ഷിക്കുമ്പോള് പാലിക്കേണ്ട കാര്യങ്ങളെ സംബന്ധിച്ച് ബോധവത്ക്കരിക്കുക. മാലിന്യങ്ങള് വലിച്ചെറിയുന്നതും കത്തിക്കുന്നതും മാരകരോഗങ്ങള്ക്ക് കാരണമാകുമെന്ന സന്ദേശം നല്കുക തുടങ്ങിയ പ്രവര്ത്തനങ്ങളാണ് ശുചിത്വ സ്ക്വാഡുകള് നിര്വ്വഹിക്കുക.
രോഗപ്രതിരോധ നിയന്ത്രണ കാര്യങ്ങളെക്കുറിച്ച് കര്ഷകര്ക്കിടയിലും ക്ഷീര കര്ഷകര്ക്കിടയിലും അവബോധമുണ്ടാക്കുന്നതിന് കൃഷി വകുപ്പിനെ ചുമതലപ്പെടുത്തി. ഗൃഹ സന്ദര്ശനവും സ്ഥാപന സന്ദര്ശനവും നടത്തുവാന് ആവശ്യമായ അങ്കണവാടി ടീച്ചര്, ഹെല്പ്പര് തുടങ്ങിയവരെയും വോളണ്ടിയര്മാരായും സൂപ്പര് വൈസര്മാരെയും നിയോഗിക്കും.
50 മൈക്രോണിന് താഴെയുള്ള പ്ലാസ്റ്റിക ബാഗുകള് നിരോധിക്കുന്നതിനുള്ള നടപടികള്, പ്ലാസ്റ്റിക് മാലിന്യങ്ങളുടെ സംഭരണവും, റീസൈക്കിള് ചെയ്യുന്നതിനായി പാഴ് വസ്തു വ്യാപരികള്ക്ക് കൈമാറുന്നതിനുള്ള നടപടികള്, റോഡുകള്, ഓടകള്, തോട്, കുളം, കിണര് വൃത്തിയാക്കല്, ടാങ്കുകള് വൃത്തിയാക്കല്, ജലദൗര്ലഭ്യമുള്ളിടത്ത് പൊതുജനത്തിനും കന്നുകാലികള്ക്കും പക്ഷികള്ക്കും ആവശ്യമായ കുടിവെള്ളം റവന്യൂ വകുപ്പുമായി ബന്ധപ്പെട്ട് ഉറപ്പാക്കുക എന്നിവ തദ്ദേശസ്വയംഭരണ സ്ഥാപനങ്ങളില് നിര്വഹിക്കണം.
വെള്ളിയാഴ്ച എല്ലാ വിദ്യാഭ്യാസ സ്ഥാപനങ്ങളിലും ശനിയാഴ്ച എല്ലാ ഓഫീസുകള്, ആശുപത്രി മറ്റു സ്ഥാപനങ്ങള്, ഞായറാഴ്ച വീടുകള്, പൊതുഇടങ്ങള് എന്നിവിടങ്ങളില് ആഴ്ചയില് ഒരു ദിവസം ഡ്രൈഡേ ആചരിക്കണം.
ആലപ്പുഴ നഗരസഭയ്ക്ക് വിമര്ശനം
ആലപ്പുഴ: പകര്ച്ചവ്യാധികള് പടര്ന്നു പിടിക്കാതിരിക്കുന്നതിനുള്ള പ്രതിരോധ പ്രവര്ത്തനങ്ങളുടെ ആസൂത്രണം സംബന്ധിച്ച് നടന്ന ജില്ലാതല ശില്പ്പശാലയില് ആലപ്പുഴ നഗരസഭയ്ക്ക് വിമര്ശനം. ജില്ലയില് ഉണ്ടാകുന്ന എലിപ്പനി കേസുകളില് മൂന്നില് രണ്ടും ആലപ്പുഴ നഗരസഭയിലാണ്. ഇക്കാര്യത്തില് നഗരസഭയുടെ ഹെല്ത്ത് വിഭാഗത്തിന്റെ പ്രവര്ത്തനം കാര്യക്ഷമമല്ലെന്നാണ് വിമര്ശനം ഉയര്ന്നത്.
