എരുമേലി: ഗണേശനാമ മന്ത്രോച്ചാരണങ്ങളുടേയും വായ്‌ക്കുരവകളുടേയും അകമ്പടിയോടെ ഭക്തി സാന്ദ്രമായ ചടങ്ങുകളോടെ സര്‍വ്വസിദ്ധി വിനായക ക്ഷേത്രത്തില്‍ ഭാഗവത സപ്താഹമഹായജ്ഞം തുടങ്ങി. രുധിരക്കുളത്തിനു സമീപമുള്ള ക്ഷേത്രമൈതാനിയിലെ വേദിയില്‍
പന്തളം രാജപ്രതിനിധി ശശികുമാര്‍ വര്‍മ്മ ഭദ്രദീപ പ്രകാശനം നടത്തി. ചെയര്‍മാന്‍ വി.എസ്. വിജയന്‍ അദ്ധ്യക്ഷത വഹിച്ചു. . സമ്മേളനത്തില്‍ സ്വാമി സത് സ്വരൂപാനന്ദ സരസ്വതി അനുഗ്രഹ പ്രഭാഷണം നടത്തി.
യജ്ഞാചാര്യന്‍ ശബരിനാഥ് ദേവിപ്രിയ മാഹത്മ്യപ്രഭാഷണം നടത്തി. എന്‍എസ്എസ് കരയോഗം പ്രസിഡന്റ് ടി.എസ്. അശോക് കുമാര്‍ എസ്എന്‍ഡിപി യോഗം ശാഖാ സെക്രട്ടറി സുശില്‍ കുമാര്‍, വിശ്വകര്‍മ്മ സഭാ സെക്രട്ടറി സത്യന്‍, വെള്ളാള മഹാസഭാ ജനറല്‍ സെക്രട്ടറി മണക്കാട് പത്മനാഭന്‍, ശ്രീകുമാര്‍ എരുമേലി, എം.പി. സുരേന്ദ്രന്‍ പിള്ള, വി.ആര്‍ രാജേന്ദ്രന്‍ എന്നിവര്‍ സംസാരിച്ചു.
ധീരതയ്‌ക്കുള്ള ദേശീയ അവാര്‍ഡ് നേടിയ അദിത്യന്‍ എസ്. പിള്ള, എം കോം ഒന്നാംറാങ്ക് നേടിയ മായ. എസ്, അംബേദ്ക്കര്‍ ദേശീയ പുരസ്‌ക്കാരം നേടിയ അഞ്ചു. എസ്. അരവിന്ദ്. ഫാര്‍മസി ഒന്നാംറാങ്ക് നേടിയ അനീഷാ മോഹനന്‍ എന്നിവരെ ചടങ്ങില്‍ ആദരിച്ചു .
പേട്ട കൊച്ചമ്പലത്തില്‍ നിന്നാരംഭിച്ച സ്വീകരണ ഘോഷയാത്രയെ ക്ഷേത്രകവാടത്തില്‍ മേല്‍ ശാന്തി വാസുദേവന്‍ നമ്പൂതിരിയുടെ കാര്‍മ്മികത്വത്തില്‍ പൂര്‍ണ്ണകുംഭം നല്‍കി വിശിഷ്ടാതിഥികളെ സ്വീകരിച്ചു. 21നാണ് സപ്താഹം സമാപിക്കുന്നത്.
